Glaciar de ros Cabietos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Glaciar de ros Cabietos Glacier des Gabiétous | |
_2.jpg) | |
| País |  Occitania
|
| Rechión | Occitania |
| Departamento | Altos Pireneus |
| Municipio | Gavarnía e Gèdra |
| Aria protechida | Parque Nacional d'os Pireneus |
| Cordelera | Pireneu |
| Macizo | As Tres Serols |
| Val | |
| Tipo | Glaciar de cul |
| Estau | En retacule |
| Frent | |
| Pai | |
| Derivaus | |
| Altaria | 2.650 |
| Largaria | 0,350 km |
| Superficie | 0,08 km² |
| Fondura | |
| Velocidat | |
| Cimas | Punda Negra (3.144 m), Cabieto de ra Buega (3.031 m) |
| Ríos | Gave des Tourettes |
.png)  | |
O glaciar de ros Cabietos (en francés glacier des Gabiétous) ye un glaciar d'os Pireneus situau en o macizo d'as Tres Serols a l'ueste d'o cul de Gavarnía, en a versant norte d'a muga entre Aragón y Francia, en o departamento d'os Altos Pireneus y en a rechión d'Occitania.
Cheografía editar
O glaciar se troba en l'anfiteatro formau entre a punda Negra y o Cabieto de ra Buega. Ye un glaciar de cul. En a desembocadura d'o cul que ocupa as parez s'estreitan, lo que feba que en o pasau o glaciar expulsase seracs sobre una falda rocosa que se troba baixo él.
As augua d'o suyo deschele alimentan a gave des Tourettes, que desemboca dimpués en a gave de Gavarnía
Historia editar
Debiu a la morfolochía d'o terreno, o glaciar se trobaba amugau en largaria por un cantil rocoso a o norte. Por lo tanto, ha evolucionau mas que mas en godaria. En zaguerías d'a Chicota Edat de Chelo arredol de 1850, o glaciar puyaba dica o cuello de Cabieto y deixaba veyer una impresionant barrera de seracs: as “agullas de chelo de ros Cabietos”. Os escaladors d'a epoca describen seracs de 60 metros d'altura, que s'espaldoron sobre o camín que s'endrezaba enta la breca de Roldán. O glaciar mediba por ixas envueltas 0,12 km². Pero dende alavez o retacule ha estau inexorable: en 1885, Joseph Vallot describió seracs de no mas de 10 metros d'altaria. A barrera de seracs se reduce gradualment y desapareixe en a decada de 1940.
Manimenos, igual que o glaciar d'Osso y o glaciar deras Oletas de Gauba, o glaciar de ros Cabietos se benefició d'un período favorable de creiximiento en as decadas de 1970 y 1980. Asinas se tornó a formar una chicota barrera de seracs.
Pero iste aposo duró poco: o declin se reanugó a partir de 1985. As zagueras crepazas transversals desapareixioron en 2014 y, en primerías d'a decada de 2020, nomás a rimaya y bellas crepazas en a parti superior atestiguan un feble dinamismo. En l'actualidat o glaciar ha albandonau o sector d'o cuello de Cabieto y cubre una superficie de 0,08 km².