Gas natural

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O gas natural ye una mena de gas que se troba a sobén en chacimientos fosils de petrolio. Encara que a suya composición varía en función d'o chacimiento d'o que se'n quita, ye formau prencipalment por metano en cantidaz que a ormino superan o 90 u 95%.

S'emplega como combustible en aplicacions tanto industrials como domesticas; considerando-se una fuent d'enerchía alternativa por a suya combustión neta, a diferencia d'os derivatos d'o petrolio y o carbonio, si bien colabora en emisión de carbonio fosil y por tanto en o efecto hibernadero.

Gas natural en Aragón

En Aragón son importants os chacimientos de gas natural en Sarrablo a on s'estrayió gas dende 1979 y dica os anyos 1990, estando Isín o primer puesto a on se foratió. O puesto prencipal a on se trobaba gas en l'Alto Aragón yera la val de l'Aurín, encara que tamién bi ha chacimientos en atras zonas d'a comarca como Escuer, Villanoviella en a Garcipollera, Ipás, Bescansa y Ayerbe de Broto.

Actualment os chacimientos de Sarrablo se fan servir como almadazens naturals de gas. Existe un gaseoducto que va dende Zaragoza dica Sarrablo, con una longaria de 138,6 km y con salitas en Villanueva de Galligo, Penyaflor, Zuera, Sant Mateu de Galligo, Gurrea, Samianigo, Chaca y Os Corrals, d'a on sale una branca de 88,5 km que distribuye gas por o as localidaz de Uesca, Balbastro, Monzón y Tamarit.

Referencias

(es) Gas natural en a GEA

Datos: Q40858
Multimedia: Natural gas / Q40858