Francisco Ascaso
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Francisco Ascaso | |
|---|---|
.jpg)
| |
| Información personal | |
| Calendata de naixencia | 1 d'abril de 1901 |
| Puesto de naixencia |  Almudévar (Plana de Uesca, Aragón)
|
| Calendata de muerte | 20 de chulio de 1936 |
| Puesto de muerte |  Barcelona (Barcelonés, Catalunya)
|
| Ocupación | Activista politico y sendical |
Francisco Ascaso Abadía (Almudévar (Plana de Uesca), 1 d'abril de 1901 - Barcelona (Catalunya), 20 de chulio de 1936) estió un anarquista aragonés melitant d'a CNT, primo de Joaquín Ascaso y conoixito por o suya actividat politica y sendical chunto con Durruti.
BiografíaEditar
Naixió d'una familia de treballadors d'o campo d'o lugar d'Almudévar (Plana de Uesca), que dimpués marchó enta Zaragoza, en o barrio de La Madalena. En ista ciudat prenió contacto con l'anarquismo y con a CNT y empecipió a suya actividat embrecando-se en as luitas socials.
En 1920 fue engarcholato en o palacio de Villahermosa d'a carrera Predicadores (Pedricadors) de Zaragoza, que allora yera a garchola d'a ciudat.
En 1922 marchó enta Barcelona, a on s'adhibió en o grupo "Los Solidarios" (Os Solidarios), grupo creyato ta fer accions contra os pistoleros d'a patronal que asesinaban sendicalistas, y a on i yeran Durruti, Ricardo Sanz, Antonio Ortiz, Gregorio Jover y García Oliver, entre atros.
En 1923 fue acusato d'a muerte d'o cardenal Juan Soldevila (asesinato en Zaragoza o 4 de chunio) y engarcholato nuevament en a garchola d'a carrera Predicadores. Eslampó y s'exilió ta Francia, chunto con Durruti y García Oliver. D'aquí marchó enta America con Durruti, partecipando en quantas accions con anarquistas archentinos. Dimpués tornoron en Francia, a on i fuoron aturatos y acusatos en chunio de 1926 d'atentar contra o rei d'Espanya, Alifonso XIII mientres una vesita en París. No trobando pruebas d'ixa acusación, fuoron forachitatos d'o país.
En 1931, con l'arribada d'a Segunda Republica, tornoron en Espanya, creyando o grupo "Nosotros" (Nusatros) y partecipando en quantas insurreccions.
En 1932 fue forachitato y levato enta Africa.
En 1934 fue nombrato secretario cheneral d'o Comité Rechional d'a CNT de Catalunya.
O 18 de chulio de 1936, quan empecipió a guerra civil, Francisco Ascaso se trobaba en Barcelona dirichindo os melitants d'a CNT. Morió dos días dimpués, o 20 de chulio, en a enrestida t'o quartel d'as Dressanes, d'un disparo en a frent.
Veyer tamiénEditar
Vinclos externosEditar
- (es) Francisco Ascaso en l'Ateneo virtual de A las barricadas.org.
- (es) Francisco Ascaso en nodo50.org.
- (es) Biografías de Ferrer i Guardia, Durruti y Francisco Ascaso en Red libertaria.net.
- (ca) Francisco Ascaso en Enciclopèdia.cat.
- (es) Francisco Ascaso en a Gran Enciclopedia Aragonesa.
- (es) A biografía de Francisco Ascaso en un foro sobre a guerra civil espanyola.
- (es) Biografía de Francisco Ascaso en una pachina sobre as Brigadas Internacionals.
- (es) Biografías de Francisco Ascaso y Carlo Giuliani en Rojo y negro.info.