Joaquín Ascaso Budría
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Joaquín Ascaso | |
|---|---|
| 1936 – 1937 | |
| Naiximiento | 5 de chunio de 1906 Zaragoza (Aragón)
|
| Muerte | 12 de marzo de 1977 Caracas (Venezuela)
|
| Partiu | CNT |
Joaquín Ascaso Budría (Zaragoza, 5 de chunio de 1906 - †Caracas (Venezuela), 12 de marzo de 1977) estió un anarcosindicalista aragonés, president d'o Consello d'Aragón (clamato inicialment Consello Rechional d'Esfensa d'Aragón) entre 1936 y 1937. Estió primo de Francisco Ascaso.
De profesión albanyil, cuan yera choven s'afilló a la organización anarcosindicalista Confederación Nacional d'o Treballo, participando en l'agrupación anarquista "Os Indomables" y colaborando con atra dita "Os Solidarios".
Fue preso en Zaragoza por as suyas actividaz anarcosindicalistas en 1924 y apareixe en a ficha policial con una edat de decisiet nyos, dimpués fuyió ta Francia dica que se declaró a Segunda Republica Espanyola, influito por a Sublevación de Chaca.
Cuan prencipia la Guerra Civil Espanyola yera en Barcelona y en o contexto d'a Revolución Espanyola de 1936, sale ta o frent d'Aragón, primero integrando-se en a Columna Durruti y dimpués en a Columna Ortiz.
Fue nombrato oficial de delegato gubernamental d'o Consello Rechional d'Esfensa d'Aragón, o 19 de chinero de 1937.
Dimpués d'a desaparición d'o Consello, fue detenito atra vegata, agora por orden d'o Gubierno d'a Segunda Republica Espanyola o 19 d'agosto de 1937, estando preso 38 días en a garchola de Sant Miguel d'os Reis, amán de Valencia, y a la fin se'n fuo ta Francia a traviés d'Andorra con Antonio Ortiz, dende a on salió ta Uruguai, pasando tamién por Chile y Paraguai, establindo-se en Venezuela, a on formó en a decada de 1960 o grupo anarquista Fuerza Unica, chunto a Antonio Ortiz y atros miembros libertarios en o exilio.
O historiador Alejandro Díez Torre trobó y publicó en 2006 un libro escrito por o mesmo Ascaso, "Memorias, 1936-1938", editato por a Universidat de Zaragoza. Tamién o escritor Francisco Carrasquer, chirmano d'o tamién escritor Félix Carrasquer, publicó ixe mesmo anyo "Ascaso y Zaragoza. Dos pérdidas: la pérdida", un treballo d'investigación sobre Ascaso y o Consello d'Aragón.
Vinclos externos
editar- (es) Biografía de Joaquín Ascaso en Memoria Libertaria.
- (es) Sobre a biografía de Joaquín Ascaso en o foro d'a pachina A las barricadas.
Datos: Q3324084
