Festival d'a Canción d'Eurovisión

(Reendrezau dende Festival d'Eurovisión)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Festival d'a Canción d'Eurovisión ye un concurso televisivo de caracter anyal, en o cual participan interpretes representants d'as televisions (en a suya mayoría publicas) de países miembros d'a Unión Europea de Radiodifusión. Lo festival ha estau transmitiu cada anyo dende 1956, estando lo programa de televisión mas antigo que encara se transmite en o mundo, recibindo en 2015 lo record Guinness como la competición musical televisiva mas loncheva d'o mundo. Amás, ye lo festival d'a canción mas gran en termins d'audiencia, la que s'ha estimau entre 100 y 600 millons internacionalment. L'evento ye transmitiu en toz, mesmo en países que no participan en o mesmo. Lo festival ye historicament conoixiu per estar promotor de mosica pop. Manimenos, en anyos recients s'han presentau en o festival varios temas perteneixients a atros cheneros como musica arabe, dance, tango, reguetón, heavy metal, pop-rap, punk, rock, electronica, entre atros.

Simbolo representativo d'o festival.

En a edición de 2015, se convidó a Australia a participar en o certamen, lo que suposó que se converta en o primer miembro asociau d'a UER (y no activo) que participa en Eurovisión, asinas como en o primer país oceanico.

A edición de 2020, va estar a primera edición en estar cancelada, a causa d'a pandemia d'a Covid-19. Sindembargo, va tener sitio una edición especial denominada Eurovision: Europe Shine a Light (en aragonés: Europa Enciende a suya Luz). Y tamién i va haber atros eventos celebraus pa diferents cadenas de televisión d'a UER.

Participación editar

Anyo Países seguntes lo suyo debut
1956   Belchica,   Francia,   Alemanya,   Luxemburgo,   Países Baixos,   Italia,   Suiza
1957   Austria,   Dinamarca,   Reino Unido
1958   Suecia
1959   Mónegue
1960   Noruega
1961   Finlandia,   España,   Yugoslavia
1964   Portugal
1965   Irlanda
1971   Malta
1973   Israel
1974   Grecia
1975   Turquía
1980   Marruecos
1981   Chipre
1986   Islandia
1993   Bosnia y Herzegovina,   Croacia,   Eslovenia
1994   Estonia,   Hungría,   Lituania,   Polonia,   Rumania,   Rusia,   Eslovaquia
1998   Macedonya d'o Norte
2000   Letonia
2003   Ucraína
2004   Albania,   Andorra,   Belarrusia,   Serbia y Montenegro
2005   Bulgaria,   Moldavia
2006   Armenia
2007   República Checa,   Cheorchia,   Montenegro,   Serbia
2008   Azerbaichán,   San Marino
2015   Australia

Beluns d'os países que quereban participar van estar Kosovo, Liban, Liechtenstein y Tunicia. Y tamién beluns territorios dependients: de Dinamarca (Groenlandia y as Islas Feroe) y Chibraltar chuntos a dos d'os países que forman o Reino Uniu, Escocia y Galas, y de España, nomás Catalunya. Tamién han amostrau interés a participar China y Qatar.

Nomás os países arabes Alcheria, Chordania, Echipto, y Libia chunto a Ciudat d'o Vaticano no han amostrau interés a participar. Y en o caso de Palestina no ye un miembro activo (ni miembro asociau d'a UER)

Eurovision: Europe Shine a Light editar

O evento Eurovision: Europe Shine a Light se va celebrar o día 16 de mayo de 2020, o mesmo día que se i habría celebrau la final d'Eurovisión 2020. O evento se va emitir pa la canal oficial d'Eurovisión en YouTube y en as diferents cadenas de televisión que participarían este anyo, y tamién en as cadenas BHRT y RTCG (que no participaban este anyo) y Khabar Agency (que ye miembro asociau d'a UER) y RTK (que no ye miembro d'a UER y nomás va participar como parti de Yugoslavia y Serbia y Montenegro). Beluns d'os artistas convidatos estioro artistas que heban participau a Eurovisión como Ilse DeLange (en o festival de 2014) d'os Países Baixos y Michael Schulte (en o festival de 2018) de Alemania y con Marija Šerifović (a ganadora d'o festival de 2007) de Serbia y Duncan Laurence (o ganador d'o festival de 2019)

Atros festivals editar