Fayón (Poble Vell)

O lugar viello de Fayón (en catalán Poble Vell de Faió) yera un lugar situau en una val en a confluencia d'os rios Ebro y Matarranya.

O lugar viello de Fayón en 1915.

HistoriaEditar

O lugar de Fayón ya yera habitau en epoca musulmana. En o sieglo XI estió conquerida por Alifonso I d'Aragón. O suyo castiello estió construyíu pa controlar a navegación por l'Ebro. En o sieglo XVII perteneixió a lo marqués d'Aytona.

Entre sieglos vivió a la calor d'a explotación d'as menas de carbón. Os suyos materials yeran transportaus por l'Ebro en llaguts. En febrero de 1892 plegó o ferrocarril a Fayón. Isto permitió que o lugar se desembolicase encara mas.

Mientres a Guerra Civil espanyola en o cercano puesto d'Els Aüts estió o scenario de luitas violentas d'a fase inicial d'a batalla de l'Ebro, a on a 42ª División de l'Exercito Republicano prencipió o paso de l'Ebro a traviés d'ista zona en a maitinada d'o 25 de chulio, encara que yera rodiada por as fuerzas franquistas.

O 17 de noviembre de 1967 o lugar estió inundau por as auguas de l'entibo de Ribarroya y os suyos vecins habioron d'emigrar enta ciudatz como que Zaragoza, Barcelona u Reus. Una chicota parti d'os vecins (500 de 1800) se mudó enta lo lugar nuevo construyiu por l'interpresa ENHER.

 
Una plaza d'o lugar viello de Fayón en 1921.
 
Una carrera d'o lugar viello de Fayón en 1921.

Vinclos externosEditar