Xisqueta

A xisqueta ye una raza ovina autoctona d'o Pireneu central, prencipalment d'as comarcas de Pallars Chusán, Pallars Sobirán, Alta Ribagorza (Leida) y Ribagorza (Uesca), encara que en l'actualidat tamién se pueden trobar nuclios dispersos d'ista raza en as comarcas de Monegros, Sobrarbe, Plana de Uesca y en a Plana de Leida.

Xisquetas en Rin de la Carrasca

Caracteristicas

Ye una uella de color blanca y pigmentación centrifuga, con degradacions en negro u marrón fosco arredol d'os uellos, orellas, morro y parte distal d'as extremidaz. D'antis mas n'i heba tamién de negras y con cuernos, pero encara que se puet trobar bel eixemplar s'han iu perdendo.

Por as suyas actituz maternals permite a cría de forma optima d'un ternasco de calidat sobrebuena. S'adapta prou bien a las condicions pirenencas y a la transhumancia por estar un animal rustico y caminador. O suyo estreito morro le permite aproveitar bien os pastos menos fibrosos, mesmo debaixo d'a nieu, asinas como os que se troban entre piedras.

Denominación

O nombre de "xisqueta" fa referencia a la suya chicota grandaria, manimenos os ganaders la denominaban tradicionalment como uellinegra, ullada u birola, por a forma d'a suya pigmentación.

A subraza denominada benasquesa u benasquina, por estar orichinaria d'a val de Benás, ye considerada por muitos ganaders como a xisqueta orichinaria y mas autentica, estando a base inicial de muitos rabanyos. Ista variedat tiena una grandaria una mica mas chicota y una caracteristica pigmentación centrifuga roya, que se difumina prou con a edat.

Bibliografía

• (es) Federación de Asociaciones de Criadores de Oveja Xisqueta (FECOXI)
• (es) Nuestras razas: la oveja Xisqueta en dLana.