Celtis australis

Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.

Latonero
Latonero
Clasificación scientifica
Reino: Plantae Subreino: Tracheobionta División: Magnoliophyta Clase: Magnoliopsida Subclase: Hamamelidae Orden: Rosales Familia: Cannabaceae Chenero: Celtis Especie: C. australis
Nomenclatura binominal
Prunus persica
L.

O latonero u litonero (Celtis australis), ye una espezie botanica perteneixient á la familia d'as Cannabaceae.

Descripzión

Ye un árbol de fuella caduca que puet plegar á medir entre 20 y 25 metros d'altaria, de tronco dreito y crosta grisa y lisa, semellant á la d'o ficus u o fabo, sin d'estrías ni fendillas; tien una cocoroza redonda y ampla. As suyas fuellas, de 5 á 15 cm de largaria, son obo-lanzeoladas y bel poquet dentadas. A faz ye de color berda fosca, y o embés, de color más clara, con pilosidaz en os niérbols.

As flors son inconspicuas y de color amariella berdosa. O fruito, clamau latón u litón, ye comestible y de buen gusto; ye una drupa carnosa de bel zentimentro de diametro, cuasi negra por difuera y amariella por dintro, cuan ye madura. Os latons creixen solencos sobre largos pedunculos en as asilas d'as fuellas.

Floreix entre marzo y abril.

Fuella de latonero y latón

Habitat

Ye prou estendiu en a rechión mediterrania y o sudueste d'Asia, serbindo á ormino como árbol ornamental en parques, chardins y carreras. Por a buena relazión peso-resistenzia que tiene a suya tiera, s'ha gosau emplegar como material ta fer bellas ferramientas como rasclos u forcas, y con as suyas radizes se fan pipas ta fumar.

Denominación popular

latonero, litonero, aliconero

Sinonimos

• Celtis eriocarpa Decne. in Jacquem. [1824]
• Celtis caucasica Willd. [1806]
• Celtis acuta Buch.-Ham. [1837]
• Celtis excelsa Salisb.