Dicerorhinus sumatrensis
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Dicerorhinus sumatrensis | |
|---|---|
 | |
| Denominacions populars | |
rinoceront de Sumatra [1]
| |
| Estau de conservación | |
| Clasificación cientifica | |
| Animalia | |
Filo:
|
Chordata |
| Mammalia | |
| Perissodactyla | |
| Rhinocerotidae | |
| Dicerorhinus | |
| D. sumatrensis | |
| Descripción | |
| Distribución cheografica | |
 | |
O rinoceront de Sumatra (Dicerorhinus sumatrensis (Fischer, 1814)[2]) ye un mamifero d'a orden d'os Perissodactyla y familia Rhinocerotidae que ye lo rinoceront mas chicot, encara que ye un gran mamifero;asinas tien una altaria de 112 a 145 cm dica l' huembro, con una longaria de tozuelo y cuerpo de 2,36 a 3,18 m y una coda de 35 a 70 cm. O suyo peso vareya de 500 a 1.000 kg, con un promeyo de 700 a 800 kg, encara que i hai un solo rechistro d'una amuestra de 2.000 kg. Como totas dos especies africanas, tien dos cuernos; o mas gran ye o cuerno nasal, per un regular de 15 a 25 cm, mientres que l'atro cuerno gosa estar un munyón. Una capa de pelo de color parda royenca cubre a mayor parti d'o cuerpo d'o rinoceront de Sumatra.
Os miembros d'a especie bella vegada habitoron chunglas tropicals, paúls y selvas nubles en India, Bután, Bangladesh, Birmania, Laos, Tailandia, Malaisia, Indonesia y China. En tiempos historicos, vivioron en o sudueste de China, particularment en Sichuan.[3][4] Agora son en periglo critico d'extinción, con nomás cinco poblacions substancials en estau salvache: cuatro en Sumatra y una en Borneu. O suyo numero ye dificil de determinar perque son animals solencos que son muit dispersos en a suya aria de distribución, pero s'estima que son menos de 80.[5] A especie estió de tot amortada en Malaisia en 2019, y ye posible que una d'as poblacions de Sumatra ya sía extinta. En 2015, os investigadors anuncioron que o rinoceront de Borneo se i heba acotolau en a parti norte de Borneu;[6] manimenos, se descubrió una chicota población en Kalimantan Oriental en primerías de 2016.
Lo rinoceront de Sumatra ye un animal mayoritariament solitario, fueras d'a parada nupcial y a cría de crietas. Ye a especie de rinoceront mas vocal y tamién se comunica marcando o solero con as suyas patas, torcendo os arbols chóvens en patrons y deixando fiemo. A especie ye muito millor estudiada que o rinoceront de Chava, igualment solitario, en parti a resultas d'un programa que levó a 40 rinoceronts de Sumatra a cativerio con l'obchectivo de preservar a especie. I heba poca u garra información sobre os procedimientos que aduyarían en a reproducción ex situ. Encara que cuantos rinoceronts murioron una vegada en os distintos destins y no se producioron crietas mientres cuasi 20 anyos, toz os rinoceronts yeran condenaus en a suya selva que luego sería picada.[7] En marzo de 2016, s'alufró un rinoceront de Sumatra en o Borneu indonesio.
Lo Ministerio de Meyo Ambient d'Indonesia encomenzó un reconte oficial d'o rinoceront de Sumatra en febrero de 2019, que se preveye completar en tres anyadas. Os zaguers rinoceronts de Sumatra masclos y fembras conoixius de Malaisia murioron en mayo y noviembre de 2019, respectivament. A especie agora se considera localment extinta en ixe país y nomás sobrevive en Indonesia. Quedan menos de 80 en existencia.[8] Manimenos, seguntes o Fundo Mundial pa a Naturaleza, o suyo numero ye 30.[9]
Referencias
editar- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (en) Die Nashörner: Begegnung mit urzeitlichen Kolossen. Fürth, Filander Verlag, 1997, pp. 57–74, ISBN 3-930831-06-6
- ↑ (en) Chapman, Jan (1999) The Art of Rhinoceros Horn Carving in China. Christie's Books, London. ISBN 0-903432-57-9. p. 27
- ↑ (en) Schafer, Edward H. (1963) The Golden Peaches of Samarkand: A study of T'ang Exotics. University of California Press. Berkeley and Los Angeles. p. 83
- ↑ (en) Pusparini, W. et al. (2015) Correction: Rhinos in the Parks: An Island-Wide Survey of the Last Wild Population of the Sumatran Rhinoceros. PLOS ONE 10(10): e0139982.
- ↑ (en) Havmøller, R.G. et al. (2015) Will current conservation responses save the Critically Endangered Sumatran rhinoceros Dicerorhinus sumatrensis? Oryx, 50(2):355–359.
- ↑ (en) Nardelli, F. 2014 The last chance for the Sumatran rhinoceros?. Pachyderm 55: 43–53
- ↑ (en) The last Sumatran rhino in Malaysia has died and there are less than 80 left in the world en CNN.com
- ↑ (en) Sumatran rhinos are extinct in their native Malaysia after last living female dies en washingtonpost.com
Vinclos externos
editar
Se veigan as imáchens de Commons sobre Dicerorhinus sumatrensis.
Datos: Q29220- Multimedia: Dicerorhinus sumatrensis / Q29220
Especies: Dicerorhinus sumatrensis
