Cul de Barrosa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O cul de Barrosa (en castellano Circo de Barrosa, en francés Cirque de Baroude) ye un cul d'o Pireneu aragonés. Se troba a o fundo d'a val d'a Barrosa, val formada por o río Barrosa, afluent d'a Cinca que desemboca por a marguin ezquierda d'iste en a villa de Bielsa.
O puerto de Barrosa (2.534 m), sobre a muga entre Aragón y Francia, desepara o cul de Barrosa d'os ibons de Barrosa, situaus ya en o termín municipal d'Aranyonet (Occitania).
Entre os picos mas destacaus que dan forma a o cul de Barrosa cal nombrar L'Almunia Gran (3.132 m), L'Almunia Chica (3.094 m), a punta de Tormoseta (3.083 m) y a punta de las Loseras (3.088 m), que zarran o cul por o norueste y forman a paret sudoriental d'o cul de Tormoseta. D'atra man por o nord-este se troban o pico Occidental de Barrosa (2.674 m) y o pico de Barrosa (2.762 m), que prenen o nombre d'o cul. A l'ueste se debanta atro important tresmil visible dende o cul, o pico de Rubinyera (3.001 m).
Situación
editarTa arribar-ie s'ha de salir d'o punto kilometrico 88 d'a carretera A-138 que une L'Ainsa con Francia a traviés de Bielsa, chunto a las antigas menas d'o Hespital de Parzán.
Dende astí se puya por un sendero que plegará dica o cubilar de Barrosa, situau a 1.745 m d'altaria, pasando antis por a mallata Gabás.
Toponimia
editarO toponimo Barrosa podría provenir d'a radiz celtibera barro, significando bardo, y o sufixo de qualidat "-sa", estando asinas o "río de bardo".[1]
Referencias
editarVinclos externos
editar
Datos: Q2974253
Multimedia: Cirque de Barrosa / Q2974253
