Abrir menú principal
Cul de Tormoseta.

O cul de Tormoseta (en francés cirque de Troumouse) ye un cul situau en o centro d'a cordelera d'os Pireneus, en o departamento d'os Altos Pireneus de Francia, mugando con Aragón.

Tien una amplaria meya de 4 km y a suya base se sitúa arredol d'os 2.200 metros d'altaria, estando un d'os culs mas grans d'os Pireneus y d'Europa. As cumbres que lo forman tienen entre 2.800 y 3.100 metros d'altaria. O clima d'iste puesto ha feito que en o cul no bi haiga árbols ni grans matorrales. Gracias a la suya importancia medioambiental, o parache ye incluyiu en o Parque Nacional d'os Pireneus.

As suyas paretz las forman picos como o pico de la Pala (2.723 m), a punta Fernars (2.696 m), a punta Baixa de las Blancas (2.702 m), a punta Alta de las Blancas (2.902 m), a punta es Ibons (2.888 m), o pico de L'Almunia Gran (3.132 m), o pico de L'Almunia Chica (3.094 m), a punta de las Loseras (3.088 m), a punta de Tormoseta (3.083 m), o pico Heïd (3.022 m), a punta Aires (3.028 m), o petit Pic Blanc (2.954 m) y o Gerbats (2.904 m).

Vista panoramica d'o cul de Tormoseta.

Se veiga tamiénEditar