Clamor Amarga

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Clamor Amarga Cllamor d'Almacelles
En pasando por Sucs
Administración
Estaus	{{{estaus}}}
Territorios	Catalunya Aragón
Cheografía
Longaria	42,60 Km km
Altaria d'o naixedero	m
Naixedero	Municipio d'Albelda (Uesca)
Desembocadura	Río Cinca (Uesca)
Hidrolochía
Superficie d'a cuenca	785,20 km² km²
Cabal meyano	m³/s
Mapa
Clamor Amarga en Aragón

A Clamor Amarga, Clamor Salada u Clamor d'Almacellas, Clamor de Tamarit u simplament La Clamor (en catalán Clamor d'Almacelles, localment Cllamor d'Almacelles^[1]) ye un barranco situau en a Francha Oriental d'Aragón y que ha feito historicament parti d'a muga entre Aragón y Catalunya.

Cheografía

A Clamor Amarga se forma o termín municipal d'Albelda en a provincia de Uesca y recorre cuantos kilometros a traviés d'as comarcas de Segrián (provincia de Leida) y Litera ta rematar desembocando en a Cinca, en o termín municipal de Zaidín, amán de Fraga.

O suyo cabal ye irregular y escaso y sirve en muitos puntos ta sinyalar a muga entre Aragón y Catalunya.

Historia

A referencia mas antiga que existe sobre a Clamor Amarga la fa o rei Sancho Remíriz en 1089 cuan situa a iste barranco como muga oriental d'o Reino de Monzón:

Termini supradicti castri a parte orientis, usque al Clamor. Termini a parte occidentis que ultra Cinga usque ad terminos de Albalat et Zaaidín. A parte aquilonis, usque in terminos de Almerge

Archivo d'a Seu de Leida, Libro Verde, fol. 14 y ss.

A batalla de Fraga de l'anyo 1134 se desenvolicó en a redolada de La Clamor, estando probablement en iste puesto a on o rei Alifonso I d'Aragón fixó o suyo campamento en retirar as suyas tropas enta o nord-este debiu a la presión de l'exercito musulmán de Fraga.

En l'anyo 1173 torna a apareixer documentación de a Clamor Amarga como muga fixada por o bispe de Leida con os templers de Monzón ta o pago de diezmos a la suya diocesi:

[...] et usque ad casteillon qui est super ipsa bataylla de Fraga, et vadit usque ad Clamorem que est inter Çaydi et Fraga, ubi fuit la bataylla dels almoraids

A la fin sería en 1305 cuan o rei Chaime II d'Aragón confirmó en as Corz de Zaragoza, que a muga d'Aragón se trobaba en o río Noguera Ribagorzana y a Clamor d'Almacellas, quedando alavez Zaidín en o canto aragonés y Fraga (que dimpués s'adscribió a o Reino d'aragón por as Corz de Daroca de 1311) en o catalán.

Referencias

↑ (es) BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón.

Vinclos externos

(es) La Clamor Amarga como límite de términos o territorios. La teua, la nostra història.
(ca) Articlo en a GEC.
(es) Datos d'a CHE sobre a Clamor Amarga

Datos: Q24002125

[1] (es) BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón.

[1]