Cheografía de Cheorchia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre a cheografía d'o país de Cheorchia; ta la cheografía d'o estau estausunidense, se veiga cheografía d'o estau de Cheorchia.

Localizada entre dos continents, Cheorchia tien una muga de 723 km con Rusia. As siguients republicas/subdivisions de Rusia -d'ueste enta l'este- fan muga con Cheorchia: Krasnodar Krai, Circasia, Kabardino-Balkaria, Osetia d'o Norte-Alania, Inguixetia, Chechenia y Daguestán. Cheograficament y cultural, Cheorchia ye considerada una nación transcontinental.

Situazión de Cheorchia.

O terrén tien tres partis distintas: a o norte y a o sud ye montanyoso, incluyindo-bi, a o norte, a vertient sud d'o Gran Caucas, y a o sud parti d'o Chicot Caucas y os primers repuntes d'as montanyas d'Armenia y d'Anatolia; enta o centro s'estendilla una ampla val que prene a traza de plana costera chunto a o litoral d'a mar Negra.

Principals ciudaz:

• Tblisi, 1.066.100 habitants (aria metropolitana 1.270.800 habitants).
• Kutaisi, 183.300 habitants.
• Batumi, 116.00 habitants.

O cuadro natural de Cheorchia en ofreixe a-saber-los, de contrastes, que chustifican a suya división en tres rechions:

• Transcaucasia occidental, enfilada enta o mar Negro y dominada per a val de Rioni, de clima humido y rica vechetación subtropical.
• Transcaucasia oriental mes xuta en a parti travesata per o río Kura, do apareixen as estepas semiaridas.
• Catena d'o Caucas, con a versant meridional d'o Gran Caucas, con as suyas laderas y alteras tucas do bi ha cheleras y nieus eternas, y a part noroccidental d'o Chicot Caucas.

A población ye formada per una mayoría de cheorchianos, con minorías de rusos, armenios, abkhasians, achars y osetas. Se concentra sobretot enta l'ueste, en o piet d'o Caucaso y a ribera d'a mar Negra, do son bellas ciudaz de cierta importancia: Kutasai, en o meyo d'a val de Rion, productora de seda y lana; Poti, puerto d'a mar Negra, per do se saca o manganés de Chiatura; Sukhumi, capital de Abkhasia, en o piet d'o Caucaso y estación balneyaria d'a mar Negra, con importants institucions cientificas y Batumi, capital d'Acharia, puerto d'a mar Negra, exportador de petrolio y seu de refinerías.

• Datos: Q1440599
• Multimedia: Geography of Georgia (country) / Q1440599