Chaos Walking (cinta)
Chaos Walking (títol orichinal en anglés, en aragonés Caos andante, enguerada en Aragón con o suyo títol orichinal) ye una cinta de cine d'acción de ciencia-ficción de l'anyo 2021 de cine estausunidense dirichida por Doug Liman seguntes un guión adaptau por Patrick Ness y Christopher Ford (basau en a novela The Knife of Never Letting Go, [publicada por Patrick Ness en 2008 y que ye la primer novela d'a trilochía de Chaos Walking). A suya banda sonora orichinal ye un treballo de Marco Beltrami y Brandon Roberts, a suya dirección de fotografía ye de Ben Seresin y la suya producción cinematografica, de Doug Davison, Allison Shearmur, Erwin Stoff y Alison Winter. Finalment, os actors que interpretan os papels principals d'a cinta son Tom Holland, Daisy Ridley, Mads Mikkelsen, Demián Bichir, Cynthia Erivo, Nick Jonas, Ray McKinnon, Kurt Sutter, David Oyelowo, Bethany Anne Lind y Camren Bicondova.
En l'anyo 2257 Todd Hewitt vive en una planeta clamada Nuevo Mundo, a on vive con sus dos pais varons adoptivos, porque li dicen que todas as mullers d'a colonia fuoron asasinadas por una epecie alienichena indichena d'a planeta. En ixe planeta existe bella cosa clamada "rudio", que no ye atra cosa que la emisión por part de toz d'os suyos pensamientos en forma visible y audible ta atras personas. En ixa planeta plega una chicota nau espacial d'exploración ninviada por una gran nau pero en dentrar en l'atmosfera d'a planeta s'escayece un accident y mueren toz os tripulants mens una muller. Todd la veye por casualidat y avisa a David Prentiss, l'alcalde d'o lugar, qui decide captura a la muller y decide mantener-la amagada sin que tienga contacto con os haitants d'o lugar. Tanimientres la muller logra fuyir, contacta con Todd y toz dos marchan en busca d'un atro asentamiento humano que parixe estar en atro punto d'a planeta
A cinta s'ambienta en o futuro (anyo 2257) en una planeta ficticia. Las suyas escenas se filmoron en bellas localidaz de Québec, incluyindo-ie Mont-reyal y en Atlanta (Cheorchia).[2]
Ye una cinta que ha recibiu bels premios u nominacions, pero garra d'éls perteneixe a los premios cinematograficos mas conoixius u destacaus.
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
- ↑ 1,0 1,1 1,2 1,3 1,4 (en) Enguero de Chaos Walking en Internet Movie Database.
- ↑ (en) Localizacions de Chaos Walking en Internet Movie Database.
- ↑ (en) Chaos Walking en Internet Movie Database.