Chabolismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O chabolismo ye lo fenomeno de l'asentamiento constituyiu per un conchunto de viviendas denominadas "chabolas" (d'o basco "txabola" ("borda")). As chabolas son viviendas realizadas con materials de repuyo d'obras, plasticos, fusta y uralita. Son construyídas per chents de pocos u garra recurso economico y no poseyen garra licencia urbanistica y las suyas condicions de salubridat son pesimas. Os poblaus de chabolas se devantan en rasos arredol d'as ciudaz y en bagos abandonaus dentro d'as mesmas.

Atros nombres que pueden tener son: chamizo, guariche u cuchitril.

Una chabola en Mexico.

En 2006 s'estima que i heba amán de mil millons de personas vivindo en asentamientos chabolistas, a gran mayoría en ciudaz de Latinoamerica, Asia y Africa, y una minoría en Europa y Nordamerica.

Chabolismo en Europa

Aragón

• Zaragoza

Existen dos poblaus chabolistas en l'actualidat (2019): uno ye en o camín de Montemolín, amán d'o Pabillón José Luis Abós, y l'atro en a carretera de Cogullada. En 2017 heba rechistradas 56 chabolas con 274 personas vivindo en ellas.

• Uesca

I hai un poblau chabolista en o camín Jara.

• Chaca

En o barrio chabolista de Sant Chorche viven 30 familias.

Espanya

En o conchunto d'o estau espanyol i heba en 2015 cuasi 2.300 chabolas con 10600 personas vivindo en ellas, a mayoría chitans espanyols, rumanos y portugueses.

• Madrid: en 2016 viviban unas 2260 personas en poblaus de chabolas. Os asentamientos mas famosos son "El Gallinero", "La Cañada Real Galiana", "El Salobral", "Barranquilla" y "Las Sabinas".
• Barcelona: en 2018 viviban 536 personas en chabolas.
• Andalucía: los poblaus mas grans se concentran en as siguients ciudaz: Malaga, poblau de "Los Asperones" (830 personas vivindo astí); Sevilla, poblau "El Vacie" (735 personas), Alcalá de Guadaíra, poblau "Torreblanca" (243 personas) y Níjar, "El invernadero" (200 personas).
• Ciudad Real: en l'asentamiento de "Sant Martín de Porres" viviban 340 personas en 68 *chabolas en 2015.

Chabolismo en America

Mexico

En l'aria de Neza-Chalco-Ixtapaluca en Mexico se troba lo mayor asentamiento chabolista d'o mundo.

Chabolismo en Asia

India

O "Dharavi slum" de Bombai ye uno d'os mas grans d'a India.

Chabolismo en África

En diversos países d'o Africa central a gran mayoría d'os suyos habitants viven en chabolas: asinas, per eixemplo, en a Republica Centroafricana viven o 95,9% d'os suyos habitants en chabolas, en Chad lo 89,3%, en Nicheria lo 81,7% u en Mozambique 80,5%.

Bibliografía

• (es) "Chabolismo en Andalucía", 2005, Defensor del Pueblo Andaluz.
• (es) "Estudio-Mapa sobre la vivienda y la población gitana", 2015, Ministerio de Sanidad, Servicios Sociales e Igualdad.

• Datos: Q201759
• Multimedia: Slums / Q201759