Cultura celtiberica

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A cultura celtiberica yera una cultura que se desembolicó en a part nororiental d'a Meseta y Sistema Iberico en a II Edat de Fierro.

Representa a extensión de determinaus elementos culturals d'a cultura iberica por tierras de mas a l'interior, entre comunidaz de luenga indoeuropea celta, que antes heban desembolicau atras culturas como a cultura protoceltiberica u a cultura d'os castros sorians, relacionadas con a cultura d'os campos d'urnas.

Entre os elementos ibers d'esta cultura tenemos a organización en ciudaz-estato, influencias ceramicas, y l'alfabeto iberico (encara que puede estar que a difusión d'este alfabeto ye d'epoca romana).

I trobamos entre os elementos no ibers a luenga celtibera, a vestimenta y a relichión.

No i heba una deseparación neta entre a cultura iberica de l'Ebro y a cultura celtiberica por o que fa a a cultura material trobada en os chacimientos. Lo que veyemos ye un cambio progresivo en a Depresión d'Ebro y Sistema Iberico.

A cultura celtiberica corresponde con os zaguers pueblos que os romanos diciban celtibers: arevacos, pelendons, lusons, belos y titos. No citaus pos as fuents clasicas tenemos a os belaiscos de La Uerba, conoixius por l'arqueolochía.

Se veiga tamién editar