Categoría taxonomica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una categoría taxonomica ye cadagún d'os rans u livels hierarquicos a os que se troba ligau un taxón, seguntes a taxonomía y a cladistica. A biolochía sistematica se basa en un sistema hierarquico de livels inclusivos, en cadagún d'os cual se troba incluidos atros menors, y que a la suya vegada ye incluido en un livel superior.
Os taxons que corresponden con as categorías taxonomicas tienen un nombre cientifico formau por una sola parola que ye en latín, sacando o caso d'a categoría taxonomica "especie", en o que o nombre d'o taxon ye formau de dos parolas latinas. Especie y os suyos subordinaus (subespecie, variedat, etc.) tamién se consideran una categoría taxonomica.
Os regles d'escritura, en Biolochía, dexichen que os nombres de taxon que corresponden con as diferents categorías taxonomicas s'escriban, a demás d'en latín, con a inicial en mayuscula. En o livel d'especie, o nombre cientifico s'ha d'escribir con a inicial d'a primer parola (que coincidirá con o chenero) en mayuscula y con o nombre especifico tot en minuscula. En o caso de que s'escriba a maquina, o nombre d'especie s'escribirá además tot en cursiva.
As principals categorías taxonomicas son:
- Dominio.
- Reino.
- Filo (en animals y plantas) u División en Botanica.
- Clase.
- Orden.
- Familia.
- Chenero.
- Especie.
Anque cadaguna d'ellas puede tener subdivisions y supradivisions que tamién se considera categorías, como o superreino, a subclase, superorden, suborden, subchenero y belatras no tan obvias, como a tribu, que ye una subdivisión d'a familia.
Se veiga tamién
editar
Datos: Q427626
Multimedia: Taxonomic ranks / Q427626
