Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Carpinus

Carpinus betulus
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Fagales
Familia: Betulaceae
Chenero: Carpinus

Os carpins[1] (cientificament, o chenero Carpinus) son un chenero d'árbols de fuella caduca en a familia Betulaceae, anque cualques autors el deseparan en chunto con Ostrya y Corylus (as avellaneras) en una altra familia, dita Corylaceae.

O chenero Carpinus enclui arredol de 30 u 40 especies, destribuitas arredol d'os territorios temperatos de l'hemisferio norte, especialment en l'este d'Asia, con o numer mes alto d'ellas trobables en a China. En Europa no sen conoix si que dos especies, y una sola en Nordamerica, destacando-se-ne Carpinus carpe perque se ye quiesto cultivar coma árbol ornamental en parques y chardins en tot arredol d'o mundo.

As fuellas suyas son simples y de distribución alternas en a branca, con a ladera serrata que las fa de recordar muito en as fuellas d'os urmos d'as que son cuasi que iguals y se i podereban trafucar de no estar perque os urmos las i tienen con a ladera inferior (per a on que se fusionan en o peciolo) con o perfil asimetrico mientres que en os carpins i son simetricas. As flors son deseparatas en diferents inflorescencias, masculinas d'una man, femeninas de l'altra, y la polenización se i fa per o viento. O fruito ye una nuez chiqueta («nucula») guardada per tres bractias follars, que gosan estar trilobulatas u simplas de forma oval, y per estar asimetricas fan que os lulez chiren en l'aire cuan cayen de l'árbol ta tierra. A forma d'as bractias las fa clasificaderas per a especie.

Os carpins en as nuestras latituz, cuan son bordes, se gosan trobar asociatos en as faberas per compartir con ixes árbols, os fabos, muitas d'as suyas necesidaz d'humedat y habitat.

Vinclos externos editar

Referencias editar

  1. (an) VIDALLER TRICAS, Rafael: O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. ISBN 978-84-89862-35-7.