Calasanz

Calasanz (Calassanç en catalán) ye un lugar de Litera perteneixient a lo municipio de Peralta y Calasanz. En 1991 teneba 67 habitants.

Calasanz Calassanç
Lugar d'Aragón
Anvista de Calasanz.
Entidat  • País  • Provincia  • Comarca  • Municipio	Lugar  Aragón  Uesca Litera Peralta y Calasanz
Partiu chudicial	Monzón
Población  • Total	67 hab. (1991)
Altaria  • Meyana	736 m.
Codigo postal	22514
Parroquial  • Diocesi  • Arcipestrau  • Parroquia	Balbastro-Monzón Cinca Meya-Litera Sant Cebrián
Coordenadas	42° 1’14’’N 0°22’27’’E
Calasanz Calasanz en Aragón

Toponimia

S'ha creito siempre que o suyo nombre ye un compuesto de Qalat, "castiello" en arabe y Sanç, un antroponimo romanz derivato d'o latín SANCTIUS, que en atras zonas da Sancho.

De feito i heba un castiello ocupando una penya larga y estreita, con un conchunto de casas debaixo que s'escribiba en a Edat Meya como Calat-Sany, Calat Sancti.

A -z pareix un plural aragonés sants > sanz, pero s'explica por o singular con a secuencia:

• SANCTIU(M) > Sanço > Sanç ("Sanz" en grafía actual).

En a evolución dende o latín vulgar ta o iberorromanz, a -TI- dio ç, z (RATIONE(M) > razón).

En zaguerías s'ha cuestionato que la primera radiz Cala siga arabe porque bi ha una mención en un texto de 551 anterior a la presencia arabo-musulmana:

territorio labeclosano calasanci

Como a radiz Cala se troba en toponimos d'orichen antigo como CALAGURRIS ("Calagorra"), pareix que l'orichen d'o toponimo no ye arabe. Interpretan que puet significar "Penya de Sanz".

Parla

En Calasanz charran catalán ribagorzano de transición enta l'aragonés, parla a la que se le da localment o nombre de canyuto, apelativo con que tamién son conoixius os suyos vecins.

A c, ç d'o catalán se pronuncia z interdental como en aragonés y castellano d'o norte y centro, y as parlas catalanas d'o Guadalop-Mezquín

Puestos d'intrés

• Ilesia de Sant Cebrián.
• Restas d'o castiello.
• Ermita de Sant Bertolomeu.
• Pozo de chelo.

Fiestas

• Sant Bertolomeu, 24 d'agosto.
• Sant Cebrián, 16 de setiembre.

• Datos: Q890775
• Multimedia: Calasanz / Q890775