Pozo de chelo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O pozo de chelo yera una construcción que a suya finalidat yera almagazenar o chelo replegau entre l'hibierno pa o suyo emplego en os meses d'estiu. O suyo uso estió muit extendiu en Europa aconseguindo a suya esplendor en os sieglos XVIII y XIX dica que a producción de chelo artificial en zaguerías d'o sieglo XIX produció a suya desaparición.

Culroya, o pozo de chelo de Fuent de Todos.

Os pozos de chelo situaus en as zonas montanyosas s'empliban d'a nieu caita que posteriorment yera tresladada enta pozos amán d'os lugars y ciudaz pa o fornimiento d'istas. Os pozos urbans s'empliban tamién con chelo obteniu de basas d'a redolada. Se consumiba gran cantidat de chelo, prencipalment pa o tractamiento de malotías y a elaboración de refrescos y dulces. Asinas por eixemplo Uesca recibió bels 100 toneladas de chelo en 1707. A nieu y o chelo yeran transportaus d'a montanya a o plano por os clamaus "traxineros" emplegando machos.

Lugars con pozos de chelo visitables en Aragón

• Almudevar.
• Benavarri.
• Fuent de Todos.
• Saliellas.
• Undués de Lerda

Amás i hai dos rotas creyadas arredol d'os pozos de chelo en Aragón:

• Rota "Las Bóvedas del Frío": Alcanyiz, Val d'Algorfa, Belmont de Sant Chusé,La Canyada de Beric,La Chinebrosa,La Mata de los Olmos y Calanda.
• Rota "Las neveras de la Hoya de Huesca" con pozos de chelo que se troban en a Sierra de Guara.

Bibliografía

• (es) Pedro Ayuso Vivar Pozos de nieve y hielo en el Alto Aragón, Instituto de Estudios Altoaragoneses,2007, ISBN 978-84-8127-192-8