Cadmans Cottage
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Cadmans Cottage ye o segundo edificio residencial mas antigo que encara se conserva en a ciudat de Sydney, Australia, habendo estau construyiu en 1816 ta l'uso de timoneros d'o gubierno y as suyas tripulacions. L'edificio ye muit ligau a la historia de Sydney, demandando a mas o títol de primer edificio construyiu en a linia de costa d'a zona conoixida como The Rocks. Se diz que con a marea alta, l'augua podría plegar a dica nomás 2,4 m d'o Cadmans Cottage;[2] manimenos, debiu a las ganancias de terreno a la mar ta a construcción de Circular Quay, a linia de costa s'aluenyó a 100 metros de distancia[3] en 1816.
| Cadmans Cottage | |
|---|---|
 Frontera de l'edificio | |
| Situación cheografica | |
| Estau | |
| País | |
| ' | |
| Situación |  110 George Street, The Rocks, Sydney, Australia
|
| Adreza | |
| Coordenatas | |
| Archidiocesi | |
| Diocesi | |
| Arcipestrau | |
| Advocación | |
| Culto | |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Vesitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.r.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Casa |
| Estilo | Antigo estilo colonial cheorchiano |
| Función | |
| Catalogación | |
| Materials | |
| Construcción | |
| Construcción | 1815-1816 |
| Fundador | |
| Inicio | |
| Fin | |
| Inauguración | |
| Destrucción | |
| Equipo disenyador | |
| Arquitecto | Francis Greenway (se creye)[1] |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
L'edificio ha teniu cuantos usos diferents mientres a suya vida—primero y mas important como residencia d'os cuatre timoneros d'o gubierno (dende 1816 dica 1845), dimpués como cuartel cheneral d'a Guardia Costera de Sydney (dende 1845 dica 1864)[4] y a la fin como aloxamiento ta mariners (dende 1865 dica 1970). A restauración d'o Cadmans Cottage prencipió en 1972 dimpués d'estar declarau como puesto de patrimonio historico por a lei sobre Parques Nacionals y Fauna, pasando o suyo contro a la "Autoridat ta a Remodelación de Sydney Cove" (en anglés Sydney Cove Redevelopment Authority).
En 1988 bi habió una gran investigación arqueolochica (en preparación ta a remodelación por o bicentenario) y dende alavez, nomás s'han feito chicoz treballos de mantenimiento en l'edificio. En l'actualidat l'edificio se fa servir como seu d'o Centro d'Información sobre os Parques Nacionals d'a badía de Sydney y puet estar vesitau por o publico.
John Cadman editar
John Cadman naixió en chinero de 1758 y fue transportau a Australia en 1798 a la edat de 40 anyadas por haber furtau un caballo. Fue indultau por o gubernador Macquarie en 1821. Cadman ye obviament qui da nombre a iste edificio, ya que vivió en él como chefe de timoneros con a suya muller y dos fillastras, dende 1827 dica a suya chubilación en 1845, permaneixindo-ie un total de 18 anyos, o mas luengo periodo de servicio a o gubierno d'un timonero dica que o puesto fue aboliu dimpués d'o retiro de Cadman.
Importancia editar
Se considera que o Cadmans Cottage tien importancia ta o pueblo y a nación australiana ya que:
- Ye un supervivient de l'antiga linia costera de Sydney Cove, amostrando a evolución d'o puerto y d'a ciudat de Sydney en sí mesma;
- Ye l'edificio mas antigo en The Rocks y o tercero mas antigo de toda a ciudat de Sydney;
- Ye un raro y temprano eixemplo d'un edificio oficial d'a epoca colonial.[5]
A casa de John Cadmans amuestra una anvista unica d'o desenvolique temprano d'a zona de Circular Quay, encara que parti d'o patrimonio pudo haber-se perdiu en a restauración de l'edificio en 1972.
Referencias editar
- ↑ (en) Alan Sharpe, Pictorial History: City of Sydney, 2001
- ↑ (en) Tess van Sommers, Unk White. Sydney Sketchbook, 1965
- ↑ (en) www.environment.nsw.gov.au
- ↑ (en) Historia de Cadmans Cottage
- ↑ (en) www.heritage.nsw.gov.au
Vinclos externos editar
- (en) – New South Wales Parks and Wildlife Service, Official Webpage for Cadmans Cottage
- (en) Laila Ellmoos (2008). "Cadmans Cottage". Dictionary of Sydney. http://dictionaryofsydney.org/building/cadmans_cottage. Retrieved 8 d'octubre de 2015. [CC-By-SA]