George Street (Sydney)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

George Street
Ciudat	Sydney
Districto	Districto d'afers central
Prencipia	The Rocks
Remata	Railway Square
Longaria	3 km
Eponimo	Chorche III d'o Reino Uniu

George Street ye una carrera situada en o districto d'afers central de Sydney en Nueva Galas d'o Sud en Australia. Estió orichinalment a carrera mayor y contina estando una d'as prencipals carreras d'o centro d'a ciudat. Tien alto u baixo 3 km de largaria y conecta muitos d'os mas importants edificios y districtos d'a ciudat. Bi ha mas grans edificios aquí que en cualsiquier atra carrera d'Australia. Entre as 100 mayors interpresas d'Australia, bi ha mas localizadas aquí que en cualsiquier atra carrera.

A carrera prencipia en l'extremo norte de Sydney en The Rocks, amán d'o puent d'a badía de Sydney, y s'estendilla enta l'extremo sud d'a ciudat, amán d'a gara central y o districto d'Ultimo, a on remata en Railway Square. Aquí Broadway ye a continación de George Street, chirando enta l'ueste y continando dica os vicos occidentals d'a ciudat con o nombre de Parramatta Road.

Historia

George Street (1883), olio d'Alfred Tischbauer

George Street tien os suyos orichens en a creyación d'a colonia penal de Sydney en l'anyo 1788. O capitán Arthur Phillip situó a os presos y a os Royal Marines en as costeras occidentals d'a badía. Un sendero conduciba dende o campamento d'os presos dica os cuartels d'os marines, en l'aria de The Rocks a o largo d'a ribera d'un torrent dica una cantera d'archila, situada chunto a l'actual gara central. Iste sendero, que dimpués se convertiría en George Street, cunto a la vecina Bridge Street estioron probablement as primeras carreras d'Australia.

Dica 1810 George Street se deciba High Street ("Carrera Mayor"), en iste anyo o gubernador Lachlan Macquarie la renombró oficialment en honor d'o rei Chorche III d'o Reino Uniu.

Atraccions

A o largo de George Street se troban muitos edificios importants y atraccions turisticas. De norte a sud son:

• Chinatown - situada en o trampo sud-orientale de George Street, a Chinatown de Sydney ye rica en restaurants y negocios. En a esquina con Hay Street bi ha un tronco d'árbol pintau d'oro, simbolo de suerte entre a comunidat chinesa. Debant d'o tronco se troba o Capitol Theatre.
• Cinema District - ista zona, situada a o norte de Chinatown yera seu de tres grans cines de Sydney (Hoyts, Greater Union y Village) que se fusionoron en uno solo conoixiu actualment como Hoyts Greater Union George Street Cinema Complex. En o Cinema District bi ha tamién muitos restaurants, cibercafés, establimientos de fast food y pubs.
• Town Hall - en ista zona se troban tres importants edificios historicos: a seu de Sant Andreu, a Casa d'a Ciudat y o Queen Victoria Building. Beluns d'os negocios mas famosos d'a ciudat, como os magazens Myer son mas a o norte.
• Wynyard - a l'este d'ista aria se troba a Martin Place con o cenotafio, rodiada d'antigos edificios de bancos y l'antiga Oficina Postal Cheneral (actualment un albergue).
• The Rocks - a o fin de George Street, a o norte se troba The Rocks, o districto que estió o prencipio de l'asentamiento britanico en 1788. Se i troba tamién o Museu d'Arte Contemporania. Dende aquí bi ha una polida anvista d'a badía de Sydney, dominada por a Opera de Sydney. A gara de Circular Quay y o terminal de ferrys se troban amán.

Referencias

• Datos: Q3760653
• Multimedia: George Street, Sydney / Q3760653