Asterix

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pa o personache d'a serie se veiga Asterix (personache).

Asterix
Información cheneral
Autor	René Goscinny (1959-1977) Albert Uderzo (1977-2013) Jean-Yves Ferri
Chenero literario	Cómic
Subchenero	Aventuras
Versión orichinal en francés
Títol orichinal	Astérix
Editorial	Dargaud Albert René Hachette (Groupe Lagardère)
País	Francia
Calendata de publicación	29 d'octubre de 1959
Traducción en aragonés
Títol	Asterix
Traductor	Pascual Miguel Ballestín
Editorial	Salvat / Bruño editorial
Ilustrador	Albert Uderzo (1959-2013) Didier Conrad (2013-)

Asterix (en francés Astérix) ye una serie d'historietas en cómic francesa creyada por o guionista René Goscinny (1926-1977) y o dibuixant Albert Uderzo (1927-2020), que apareixió por primera vegada o 29 d'octubre de 1959 en a revista Pilote antis de publicar-se como álbum. A serie se concibió en o suburbio de Bobigny (Sena-Sant Denís), Francia.

S'ha traduciu ta 111 idiomas y dialectos (incluyindo-ie latín y griego antigo), lo que la converte en a historieta francesa mas popular d'o mundo. Se'n ha vendiu 380 millons d'eixemplars y ye a mas popular de l'ambito francófono, chunto a la belga As aventuras de Tintín.

Detalle d'una pintura mural en Bruselas a on apareixen Asterix y Obelix

Argumento

Asterix vive arredol de l'anyo 50 aC en una aldeya ficticia a o norueste d'a Galia, la unica parti d'o país que no ha estau conquistada encara por Chulio César, tamién personache d'a serie. L'aldeya ye rodiada por cuatre campamentos romanos: Laminarum, Aquarium, Laudanum y Pardalorum. A o respecto, cal citar a caracteristica introducción de todas as historietas:

Semos en l'anyo 50 antis de Cristo. Toda a Galia ye acupada por os romanos. Toda? No pas! Una aldeya poblada por irredutibles galos contina resistindo a l'invasor. Y a vida no ye fácil t'as guarnicions de lechionarios romanos d'os campamentos de Laminarum, Aquarium, Laudanum y Pardalorum...

A resistencia d'istos aldeyanos se debe a la fuerza sobrehumana que adquieren dimpués de beber una poción machica preparada por o suyo druida Panoramix. Muitos libros d'Asterix tienen como trama prencipal o intento de l'exercito romano d'acupar l'aldeya y privar que o druida prepare o breballo u de conseguir-ne una mica pa o suyo propio beneficio. Istos intentos son frustraus siempre por Asterix y Obelix gracias a la propia poción machica.

Asterix en aragonés

Dica agora nomás s'ha quitau en aragonés un álbum d'Asterix, Asterix o Galo, publicau en 2022.

A traducción fue feita por Pascual Miguel Ballestín y fue refirmada por a Dirección Cheneral de Politica Lingüistica d'o Gubierno d'Aragón

Referencias

• Datos: Q42490
• Multimedia: Astérix / Q42490