Asterix (personache)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Asterix | |
|---|---|
Información personal
| |
| Ocupación: | Guerrero |
Personache de cómic
| |
| Cómic: | Asterix o galo |
| Escritor: | René Goscinny |
| Debuixant: | Albert Uderzo |
| Anyo: | 1961 |
Asterix (en francés Astérix) ye un personache de ficción que apareixe en os cómics d'a serie Asterix y o protagonista d'o cómic d'o mesmo nombre. Va cuasi siempre acompanyau por o suyo amigo Obelix. O suyo nombre en francés se pronuncia igual que a palabra astérisque, que significa asterisco.
O recurso d'a parella que resalta os contrastes ye usa de forma sobrebuena en os cómics d'Asterix y chunto con Obelix representa como atras en la literatura (Don Quixote y Sancho Panza, 'O Gordo y o Flaco'...) diferents puntos d'anvista de l'acción a la que dan vida y permiten continidat a traviés d'os suyos dialogos.
En contraposición a Obelix, Asterix ye baixo, serioso, intelichent, astrucioso, estuto y nomás adquiere una fuerza immesurable en beber a poción machica que para o druida Panoramix, a diferencia de Obelix que poseye ixa fuerza de forma permanent por haber-ne cayiu de nino en a marmita d'a poción.
O personache amuestra a suya ternura y mesmo o suyo amor u atracción sexual d'una forma idilica: aprecia a os ninos y a las mesachas y s'enamora solo platonicament, plegando a esperimentar gran rubor debant de muestras d'afecto u atención tan simplas como un pochón en o caixo u en a frent.
A violencia s'espresa siempre en a suya variant comica tradicional a on tot y con os inmensos golpazos y grans vuelos que efectúan os personaches por os trucos que les propinan os protagonistas nunca i hai muertos, encara que s'amuestran esplicitament moraduras, uellos moraus y atras contusions y consecuencias d'a luita.
Asterix representa a victoria de David cuentra Goliat dende a primera pachina d'os suyos libros a on siempre se recuerda que a suya aldeya ye a unica d'a Galia que resiste a l'invasor. Tot y con a suya inexactitut historica, l'argumento afalaga, sin garra dubda, os sentimientos patrioticos d'os franceses.
A estructura d'os libros se desarrolla a partir d'un problema u dificultat que se le planteya a la tribu y que habrá d'estar resuelto por meyo d'una misión a desarrollar por os protagonistas que les levará a sobén a tierras lexanas y que resolverán en parte a traviés d'a estucia d'Asterix pero tamién por meyo d'a fuerza d'Obelix y o recurso a la poción machica. L'inevitable final ye a lifara a on minchan chabalins, arredol d'a foguera baixo l'árbol de l'aldeya, deixando ligau a o costau a Aseguranzatorix, o bardo d'a tribu, pa evitar sentir as suyas horribles cancions.
En definitiva Asterix representa un heroi clasico: intelichent, audaz, astuto, valeroso, humano, gran amigo y vecín, leyal con o suyo chefe, honrau y pacient siempre disponible pa desfer enredons, realizar viaches epicos, aduyar a las damas u servir a la suya chent.
Caracterización
editarA suya voz en as versions orichinals d'as cintas d'animación fue feita por Roger Carel en toz os títols dende 1967 dica 2014.[1][2]
Referencias
editarEnlaces externos
editar
Datos: Q7620503
Multimedia: Astérix (character) / Q7620503
