Arévalo

	Arévalo
	Municipio de Castiella y Leyón
	; Anvista d'Arévalo.
Entidat; • Estau; • Comunidat; • Provincia; • Comarca	Municipio; Espanya; Castiella y Leyón; Ávila; La Moraña
Superficie	46,07 km²
Población; • Total	; 7768 hab. (2013)
Altaria; • Meyana	; 820 m.
Distancia; • 55 km	; enta Ávila
Alcalde	Vidal Galicia Jaramillo
Codigo postal	05200
Patrons	Sant Vitorino Mártir; Virchen d'as Angustias
Ríos	Río Adaja
Coordenadas	41°N 3°E
	Arévalo Arévalo en Castiella y Leyón
	Web oficial

Iste articlo ye sobre un municipio castellanoleyonés en a provincia d'Ávila; ta atros usos, se veiga Arévalo (desambigación).

Arévalo ye un municipio d'a provincia d'Ávila, en a comunidat autonoma de Castiella y Leyón, Espanya. Fa parte d'a comarca de la Moraña.

A suya población ye de 8.118 habitants (2012), en una superficie de 46,07 km², con una densidat de población de 176,21 hab/km². Por o suyo numero d'habitants, ixa anyada yera la segunda población d'a suya provincia, dezaga d'a capital, Ávila.

Mientres o sieglo XV estió la seu d'o ducau d'Arévalo, concediu por Henrique IV de Castiella en 1469 y que revirtió en a Corona castellana con Isabel I de Castiella en 1476, concedendo-se a cambio a o suyo titular, Álvaro de Zúñiga y Guzmán, o ducau de Plasencia. O suyo casco viello fue declarau Bien d'Intrés Cultural dende o 21 de marzo de 1970, en a modalidat de Conchunto Historico, por os suyos elementos en estilos romanico y mudéchar, que s'estendillan dende o sieglo XII dica o sieglo XVI.

Cheografía

O lugar d'Arévalo se troba situau a 820 metros d'altaria sobre lo livel d'a mar, a una distancia de 55 km d'a ciudat d'Ávila, a capital d'a suya provincia.

Trescruzan o suyo termin municipal o río Adaja, un afluent d'o río Duero, y lo río Arevalillo, afluent de l'Adaja.

Mugas

O termin municipal d'Arévalo muga a lo norte con Palacios de Goda y Donvidas; a l'este con Martín Muñoz de la Dehesa (Segovia); a o sud con Tiñosillos, Orbita, Gutierre-Muñoz y Espinosa de los Caballeros; y a l'ueste con Aldeaseca y Nava de Arévalo.

	Palacios de Goda y Donvidas
Aldeaseca y Nava de Arévalo		Martín Muñoz de la Dehesa (Segovia)
	Tiñosillos, Orbita, Gutierre-Muñoz y Espinosa de los Caballeros

Demografía

Evolución demografica

1749	1787	1842	1857	1860	1877	1887	1897	1900
-	-	-	-	-	-	-	-	3.495

1910	1920	1930	1940	1950	1960	1970	1981	1991
3.788	3.474	3.807	4.289	5.066	5.062	5.524	6.579	7.375

1992	1994	1996	1997	1998	1999	2000	2001	2002
-	-	-	-	-	-	7.446	7.474	7.549

2003	2004	2005	2006	2007	2008	2009	2010	2011
7.614	7.653	7.745	7.835	7.896	7.030	-	8.114	8.099

2012	2013	2014	2015	2016	2017	2018	2019	2020
8.118	-	-	-	-	-	-	-	-

2021	2022	2023	2024	2025	2026	2027	2028	-
-	7.884	-	-	-	-	-	-	-

1749-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu politico	1979	1983	1987	1991	1995	1999	2003	2007	2011	2015	2019	2023
Partido Popular/Alianza Popular								10	10
Partido Socialista Obrero Español								3	2
Unión, Progreso y Democracia								-	1
Total								13	13

Alcaldes

Lista d'alcaldes
Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Vidal Galicia Jaramillo	Partido Popular

Molimentos

Frontera prencipal d'a ilesia de Sant Nicolau de Bari d'Arévalo y colechio d'a Companyía de Chesús.

Frontera prencipal d'a ilesia de Santa María la Reyal d'Arévalo.

Casco viello, que fue declarau Bien d'Intrés Cultural o 21 de marzo de 1970, en a modalidat de Conchunto Historico, por os suyos elementos en estilos romanico y mudéchar, que s'estendillan dende o sieglo XII dica o sieglo XVI.
Castiello d'Arévalo, un castiello que en a suya forma actual ye d'o sieglo XVI y que se debanta sobre una antiga puerta d'a muralla d'a ciudat, d'o sieglo XII.
Bellos restos, encara que muit deterioraus, de l'antiga muralla d'Arévalo.
Ilesia de Sant Domingo de Silos d'Arévalo, una ilesia adedicada a Sant Domingo de Silos que se troba fuera de l'antigo casco urbano. Se debantó mientres o sieglo XII en estilo mudéchar, encara que fue muit esviellada dimpués, mas que mas en estilos renaixentista y barroco. O suyo abside ye l'elemento mas antigo, en estilo mudéchar. Se i conservan os restos de Sant Vitorino Mártir, santo patrón d'o lugar.
Ilesia de Sant Chuan Baptista d'Arévalo, una ilesia adedicada a Sant Chuan Baptista.
Ilesia de Sant Nicolau de Bari d'Arévalo, una ilesia adedicada a Sant Nicolau de Bari, que perteneixió a la Companyía de Chesús dica la expulsión d'ista orden relichiosa por Carlos III d'Espanya en 1767. Por o suyo mal estau de conservación, fa parte d'a Lista roya de patrimonio en periglo de l'asociación Hispania Nostra.
Ilesia de Santa María la Reyal d'Arévalo, una ilesia d'os sieglos XII-XIII en estilo mudéchar adedicada a la Virchen María. Se i troba un Pantocrátor en estilo gotico d'o sieglo XIV.
Ilesia de Sant Miguel d'Arévalo, una ilesia d'o sieglo XII en estilo mudéchar con una sola nau, adedicada a l'Arcánchel Sant Miguel, a on se i conserva un retablo d'o sieglo XVI. Zarrada a o culto dende l'anyo 1911, ye protechida legalment dende o 24 d'octubre de 1991 con a suya declaración como Bien d'Intrés Cultural.
Ilesia de Sant Martín d'Arévalo, una ilesia d'os sieglos XII-XVIII en estilos mudéchar, romanico y barroco adedicada a Sant Martín.
Ilesia d'o Salvador d'Arévalo, una ilesia d'os sieglos XII-XVIII adedicada a Chesús de Nazaret en a suya versant d'o Salvador, con partes en estilos romanico, mudéixar, renaixentista y barroco.

Museus

Museu d'Historia d'Arévalo, situato en un edificio que d'antis mas estió a Casa d'a Villa.

Localidaz achirmanatas

Autun (Francia).

Vinclos externos

Se veigan as imáchens de Commons sobre Arévalo.
(es) Pachina web oficial municipal d'Arévalo

Datos: Q476793
Multimedia: Arévalo / Q476793