A Time to Kill (cinta de 1996)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Time to Kill
Títol	A Time to Kill
Póster teatralizau d'a cinta.
Ficha tecnica
Dirección	Joel Schumacher
Dirección artistica	Richard Toyon
Producción	Arnon Milchan John Grisham Michael Nathanson Hunt Lowry
Guión adaptau	Akiva Goldsman
Basau en	A Time to Kill, novela de John Grisham
Musica	Elliot Goldenthal
Fotografía	Peter Menzies Jr.
Montache	William Steinkamp
Escenografía	Larry Fulton
Vestuario	Ingrid Ferrin
Actors	Sandra Bullock Samuel L. Jackson Matthew McConaughey Kevin Spacey Brenda Fricker Oliver Platt Charles S. Dutton Donald Sutherland Ashley Judd Patrick McGoohan Kiefer Sutherland
Datos y cifras
País(es)	Estaus Unius
Anyo	1996
Debantadera	24 de chulio de 1996 Estaus Unius ^[1]
Chenero(s)	Cine de chudicios Cine de drama
Durada	149 min.
Idioma(s)	Anglés
Companyías
Productora(s)	Regency Enterprises
Distribución	Warner Bros.
Presupuesto	40 millons de dólars
Recauto	152 millons de dólars
Informacions en bases de datos especializadas:

A Time to Kill (títol orichinal en anglés, Un tiempo ta matar en aragonés, enguerada en Aragón con o títol en castellano de Tiempo de matar) ye una cinta de drama chudicial estausunidense de l'anyo 1996 dirichida por Joel Schumacher seguntes un guión adaptau por Akiva Goldsman, basau en a novela A Time to Kill de John Grisham (qui tamién n'estió productor) producida por Arnon Milchan, John Grisham, Michael Nathanson y Hunt Lowry, con una dirección de fotografía de Peter Menzies Jr. y una Banda Sonora Orichinal d'Elliot Goldenthal. En l'elenco d'a cinta podemos trobar a actors como Sandra Bullock, Samuel L. Jackson, Matthew McConaughey, Kevin Spacey, Brenda Fricker, Oliver Platt, Charles S. Dutton, Donald Sutherland, Ashley Judd, Patrick McGoohan y Kiefer Sutherland. Ya la segunda cinta dirichida por Joel Schumacher basada en una novela de John Grisham, dezaga de The Client en 1994.

A Time to Kill recibió mesmo criticas positivas que negativas, pero tenió prou exito de publico, con un recaudo de 152 millons de dólars. Ye una cinta ambientada en Mississippi y con escenas rodadas en Canton y Jackson (Mississippi); Tampa (Florida); y London (Ontario, Canadá).^[2]

Argumento

Tonya Hailey ye una nina afroamericana que vive con a suya familia en a ciudat de Canton, en Mississippi. Cuan torna de fer a compra en una botiga y torna enta la suya casa, ye asaltada por un colla que, dimpués d'escarapeliar-la salvachement, la violan, la enforcan y la avientan en un río en dando-la por muerta. Os violadors son dos hombres blancos d'o lugar, Billy Ray Cobb y James Willard. Pwro Tonya ha sobreviviu y ha dau a la Policía detalles d'o brutal crimen suficients como ta que lo sheriff local pueda arrestar-los y ficarlos en a garchola ta lo suyo chudicio.

Lo pai de Tonya, Carl Lee Hailey, decide visitar a un Avogau blanco, Jake Brigance, a qui conoix porque d'antes mas heba estau Avogau esfensor d'o suyo chirmán Lester. Cuan charra con él, Brigance admite que ue posible que los asaltans sían liberaus, en estar éls blancos y la victima negra y escayecer-se los feitos en l'estau de Mississippi y en un condau a on la mayoría d'os suyos habitants son de raza blanca. Brigance li diz que si oxo s'escayecise él los mataría, pero Brigance no li comunica ixo a lo sheriff. O día d'o chudicio, cuan os violadors salen d'a sala d'o chudicio, Carl Lee lis dispara con un rifle automatico y los mata, debant de toz os espectadors d'o chudicio, que quedan atonitos; en l'ataque resulta feriu l'aduyant d'o sheriff Dwayne Looney, qui como consecuencia pierde una d'as suyas garras.

Deteniu por o sheriff, Brigance decide estar lo suyo Avogau esfensor, en sentir que él mesmo tamién ye una mica culpable en no haber dito cosa a lo sheriff. Cuan los feitos se difunden y lo caso gana notoriedat o fiscal d'o districto Rufus Buckley decide intervenir en creyendo que si logra la condena ixo favoriará la suya carrera politica, en estar candidato a Gubernador de l'estau y lo suyo obchectivo ye conseguir una condena de pena de muerte ta Carl Lee. Amás, o chuez Omar Noose niega un treslau de churisdicción que Brigance heba solicitau en buscando un condau a on no bi hese mayoría de población blanca, en considerar que un churau composau por negros será mas favorable a l'acusau.

D'atra man Freddie Lee Cobb, lo chirmán d'un d'os violadors muertos, solicita l'aduya d'o Ku Klux Klan ta vengar-se de Carl Lee. Brigance, por a suya part, solicita l'aduya de Harry Rex Vonner, un d'os suyos amigos, Avogau especialista en esvurcios, y de Lucien Wilbanks, un antigo activista en a luita por os dreitos civils que li heba cediu o bufete en estar inhabilitau en l'estau de Mississippi como Avogau en haber-se barallau con a Policía. Tamién recibe una inesperada contribución con una estudiant de Dreito, Ellen Roark.

Lo priemr día de chudicio, lo Ku Klux Klan organiza una manifestación debant d'os Chuzgaus que remata en una baralla con os habitants negros d'o lugar, con o refirme de bellos blancos. En ixe ambient comencipia lo chudicio, habendo amás bellun d'os churaus que dende lo primer momento amuestran a suya hostilidat a Carl Lee y preban d'influyir en os suyos companyers de churau.

Elenco^[3]

Actor	Papel	Notas
Matthew McConaughey	Jake Tyler Brigance
Sandra Bullock	Ellen Roark
Samuel L. Jackson	Carl Lee Hailey
Kevin Spacey	D.A. Rufus Buckley
Oliver Platt	Harry Rex Vonner
Charles S. Dutton	Sheriff Ozzie Walls
Brenda Fricker	Ethel Twitty
Donald Sutherland	Lucien Wilbanks
Kiefer Sutherland	Freddie Lee Cobb
Patrick McGoohan	Chuez Omar Noose
Ashley Judd	Carla Brigance
Tonea Stewart	Gwen Hailey
RaéVen Kelly	Tonya Hailey
Darrin Mitchell	Skip Hailey
LaConte McGrew	Slim Hailey
Devin Lloyd	Willie Hailey
John Diehl	Tim Nunley
Chris Cooper	Aduyant d'o sheriff Dwayne Powell Looney
Nicky Katt	Billy Ray Cobb
Doug Hutchison	James Louis "Pete" Willard
Kurtwood Smith	Stump Sisson
Tim Parati	Winston
Mark W. Johnson	Aduyant d'o sheriff Willie Hastings
Beth Grant	Cora Mae Cobb
Joe Seneca	Mosén Isaiah Street
Anthony Heald	Dr. Wilbert Rodeheaver
Thomas Merdis	Mosén Ollie Agee
Alexandra Kyle	Hannah Brigance
Terry Loughlin	Churau Foreman
Andy Stahl	Churau masclo reticent
Joe Bullen	Joe Frank Perryman
Lorraine Middleton	Muller sora d'o churau
Graham Timbes	Churau masclo
Jonathan Hadary	Norman Reinfield
Benjamin Mouton	Miembro d'o Ku Klux Klan que pone la bomba
Byron Jennings	Brent Musgrove
Patrick Sutton	Adolescent militant
Greg Lauren	Taylor
Danny Nelson	Bud Twitty
Mike Pniewski	Aduyant d'o sheriff Tatum
Elizabeth Omilami	Muller serrapia con o Ku Klux Klan
Lukas Cain	Chirmán de Looney
Stacy Rae Toyon	Muller de Looney
Wayne Dehart	Claude
Helen E. Floyd	Cambrera de Claude
David Brian Williams	Client de Claude
Octavia Spencer	Enfermera de Roark
Rebecca Koon	Dell
James M. Crumley Jr.	Guardia Mackenvale
Jim Ritchie	Tom Hardy
Perry Ritchie	Sarah Hardy
Mike McLaren	Administrador en Whitfield
Tim Monich	Mosén Fink
Leonard L. Thomas	Hombre en l'almagazén de fusta
Brance H. Beamon	Mozo mayor de Noose
Mildred J. Gilbreath	Gubernanta de Noose
Will Crapps	Sacerdot
David U. Hodges	Aguazil
Maggie Wade Dixon	Presentador de televisión
Russell Hambline	Anciano Bates
Robert Chapman	Choven Fisherman
Robert R. Bell Jr.	Fisherman
Tommy McCullough	Anciano Fisherman
Ryk St. Vincent	Aduyant d'o sheriff
Bettina Rose	Evelyn, secretaria de Buckley
Linda Calvin Johnson	Sugar
Terrance Freeman	Aduyant d'o condau
Alice Julius-Scott	Muller d'a NAACP
William Truly Jr.	Hombre d'a NAACP
Walter L. Hutchins	Hombre d'a NAACP
Jerry Hunt	John, treballador d'a companyía electrica
Howard Ballou	Periodista con Hastings
Todd Demers	Periodista con Jake
Stephanie Strickland	Stephanie, periodista con Buckley
Kim Hendrix	Stephanie, periodista con Buckley
Rob Jay	Stephanie, periodista con Buckley
Sherri Hilton	Stephanie, periodista con Jake
Steve Coulter	Miembro d'o Klan
Jackie Stewart	Chefe de pompers
Rosebud Dixon-Green	Muller en o rally
Sheryl Clark	Espectador d'o disparo en o Chuzgau	No acreditau
Lionel Douglass	Vecín enfurismau	No acreditau
Eva Ford	Espectadora d'o chudicio	No acreditau
Stuart Greenwell	Vecín preocupau	No acreditau
Justin Mabry	En a escena d'os altercaus	No acreditau
Lorin Moore	Duenyo d'o bar	No acreditau
M. Emmet Walsh	Dr. Willard Tyrell "W.T." Bass, psicologo d'a esfensa	No acreditau
Robert "Bobby Z" Zajonc		No acreditau

Banda sonora

A Banda Sonora Orichinal d'a cinta ye obra d'Elliot Goldenthal, estando toz os temas composaus por él menos dos: Take My Hand, Precious Lord, cantau por o grupo de musica gospel The Jones Sisters, y cantau una segunda vegada, ista por a cantaire de gospel Cissy Houston.

Premios

Premio	Calendata	Edición	Categoría	Premiau
Premios Globos d'Oro	1997	54^ena edición	Nominau a lo Globo d'Oro a lo Millor Actor Segundario	Samuel L. Jackson
Premios NAACP Image	1997	28^ena edición	NAACP Image a la Millor Cinta	A Time to Kill
Premios NAACP Image	1997	28^ena edición	Nominau a lo NAACP Image a lo Millor Actor Segundario	Samuel L. Jackson
Premios MTV Movie & TV	1997		Nominada a lo MTV Movie a la Millor Actriz	Sandra Bullock
Premios MTV Movie & TV	1997		MTV Movie a la Millor Revelación Actuant	Matthew McConaughey
Premios Golden Raspberry	1997	20^ena edición	Nominada a lo Premio Golden Raspberry a lo Pior Guión d'una Cinta con recaudo de mas de 100 millons de dólars (premio especial en a edición de 1997)	A Time to Kill

Critica

As criticas a A Time to Kill estioron en cheneral bien favorables. Tanimientres, mas que mas en Francia habió polemica en considerar que la cinta yera faborable a bel tipo de chusticiero u de persona que busca venganza fuera d'a lei, en considerar que lo personache de Carl Lee Hailey en asasinar a los violadors de su filla fuera de cualsiquier norma legal; se plegó mesmo a cambiar o nombre previsto d'a cinta en o país, de Le Droit de tuer a Le Droit de tuer?, en adhibindo un interrogant a lo títol en francés (Dreito a matar en aragonés). Parixe haber-ie consenso en que se tracta d'una cinta masiau larga (tien una durada de 149 minutos) y que ye masiau superficial y tamién en criticar a suys postura en relación con a pena de muerte, que parixe que la cinta chustifica.

Roger Ebert en o Chicago Sun Times deciba, en atorgando-li tres estrelas de cuatro, que:^[4]

A Time to Kill m'absorbió y bi trobei las actuacions fuertes y convincents (...) ye la millor d'as versions cinematograficas d'as novelas de Grisham, estoy (...) y ha estau dirichida con habilidat por Joel Schumacher

Roger Ebert

Rodolfo Sánchez en Sensacine afirma que:^[5]

Un guión ambiguo sobre la pena de muerte (...) insuficient cuan un director con trachectoria y experiencia pero sin talento no sabe desembolicar o material dillá de lugars comuns (...) y con una manipulación emocional prou irritant

Rodolfo Sánchez

Se veiga tamién

Referencias

↑ (en) Enguero de A Time to Kill en Internet Movie Database.
↑ (en) Puestos de rodache d'A Time to Kill en Internet Movie Database.
↑ (en) A Time to Kill en Internet Movie Database.
↑ (en) Roger Ebert: A Time To Kill en o Chicago Sun Times d'o 26 de chulio de 1996.
↑ (es) Tiempo de matar, en Sensacine.

Vinclos externos

(en) A Time to Kill en Internet Movie Database.
(en) A Time to Kill en AllMovie.
(en) A Time to Kill en TCM Movie Database.
(en) A Time to Kill en Box Office Mojo.
(en) / (es) A Time to Kill en FilmAffinity.
(en) A Time to Kill en a Encyclopædia Britannica.
(en) A Time to Kill en l' American Film Institute Catalog de l'American Film Institute.
(fr) A Time to Kill en Allociné.
(en) A Time to Kill en Rotten Tomatoes.
(en) A Time to Kill en Internet Movie Database.

Datos: Q498867

[1] (en) Enguero de A Time to Kill en Internet Movie Database.

[2] (en) Puestos de rodache d'A Time to Kill en Internet Movie Database.

[3] (en) A Time to Kill en Internet Movie Database.

[4] (en) Roger Ebert: A Time To Kill en o Chicago Sun Times d'o 26 de chulio de 1996.

[5] (es) Tiempo de matar, en Sensacine.

[1]

[2]

[3]

[4]

[5]