Zaha Hadid

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Zaha Hadid
Zaha Hadid en 2013
Información personal
Naixida o:	31 d'octubre de 1950
Naixida de:	Bagdad (Reino de Irak, hue Irak).
Muerta o:	31 de marzo de 2016
Muerta en:	Miami, Estaus Unius.
Ocupación:	Arquitecto
Sitio web:	www.zaha-hadid.com

Zaha Hadid (en arabe: زها حديد) fue una destacata arquitecta iraquí, naixita de Bagdad o 31 d'octubre de 1950 y muerta en Miami, 31 de marzo de 2016). Ye estata la primera muller en recibir o prestichioso Premio Pritzker d'Arquitectura, en 2004.

Maggie's Centre d'o Hespital Victoria, a Kirkcaldy (Escocia).

Parque de bombers de Vitra, a Weil am Rhein (Alemanya).

Biografía

Iraquí de naixenza, se desplazó ta Londres a fin d'estudiar en l'Architectural Association School of Architecture. Dimpués d'obtener o títol treballó con un antigo profesor suyo, l'arquitecto holandés Rem Koolhaas en l'OMA (Office for Metropolitan Architecture), convertindo-se-ne en socia en 1977. Tres anyatas mes tardi establió a Londres o suyo propio estudiet. Ha ensenyato tamién a muitas institucions prestichiosas per tot lo mundo, estando en profesora d'a Universidat d'Artes Aplicatas de Viena (Austria).

Uebras

Per un regular, as uebras de Hadid se consideran asociatas a lo deconstructivismo. Predominan as linias extendillatas y curvatas, os anglos acutos y os plans superposatos, que alportan a las creyacions una sensación de complexidat y lichereza. Muitos d'os suyos primers treballos estioron conceptuals, sin que rematasen feitos, a ormino perque ta par d'alavez no yeran plenament fesibles. D'entre os suyos prochectos realizatos, bi feguran:

• O parque de bombers de Vitra (1994), a Weil am Rhein (Alemanya)
• O Centro Rosenthal d'Arte Contemporanio (1998), a Cincinnati (EUA)
• A nueva panta d'o Bergisel ta blincos d'esquí (2002), a Innsbruck (Austria)
• O Museu d'a Ciencia Phaeno (2005), a Wolfsburg (Alemanya)
• O Maggie's Centre d'o Hespital Victoria (2006), a Kirkcaldy (Reino Uniu)
• O Pabillón Puent de l'Expo 2008, a Zaragoza (Aragón).

Se veiga tamién

• Pabillón Puent de l'Expo Zaragoza 2008.

Vinclos externos

• (en)Sitio web oficial.

Predecesor: Jørn Utzon

Premio Pritzker 2004

Succesor: Thom Mayne

• Datos: Q47780
• Multimedia: Zaha Hadid / Q47780