Bagdad
Bagdad (بغداد, Baghdad, en arabe) ye a prencipal ciudat y a capital d'Iraq, amás d'estar tamién a capital d'a provincia de Bagdad. A ciudat ye trescruzata por o río Tigris (afluent d'o río Eufrates, l'atro gran río de Mesopotamia).
| Bagdad بغداد | |
| Localidat d'Iraq | |
 A mezquita de Kadhimain en Bagdad. | |
| Estau • Provincia |
 IraqBagdad |
| Superficie | 734 km² |
| Población • Total • Densidat |
8126755 hab. (2018) 7.164,00 hab/km² |
| Altaria • Meyana |
45 m. |
| Codigo postal | 10001–10090 |
| Ríos | Río Tigris |
| Coordenadas | |
| Web oficial | |
A suya población ye de 5.258.383 habitants (estimación de 2008), en una superficie de 734 km², con una densidat de población de 7.164,00 hab/km². Ye a ciudat con mayor numero d'habitants d'o país y a tercera d'Orient Meyo dimpués d'O Cairo y Teherán.
Establita en o sieglo VIII por o Califato abasida, a ciudat tien una luenga historia, como ye evident en os suyos edificios y restas arqueolochicas. Dende a invasión d'Iraq en 2003 a ciudat fue ocupata por as tropas de l'Exercito estausunidense, dimpués d'os bombardeyos aerios d'a Guerra d'o Golfo, dende entonces a ciudat ha sufierto grieus danyos en as suyas infrastructuras, especialment entre la invasión d'Iraq de 2003 y la consiguient guerra d'Iraq que duró dica aviento de 2011. En os zaguers anyos la capital ha estau objetivo de numerosos ataques d'a guerrilla iraquí. Este conflicto militar tamién ha provocau una perda profunda y irreparable de l'herencio cultural y de piezas historicas. Dica hue a mayoria d'esfuerzos pa la reconstrucción s'han enfocau y destinau a la reconstrucción d'infrastructuras.
ToponimiaEditar
En a versión en aragonés d'o Libro de Marco Polo promovida per Johan Ferrández d'Heredia lo nombre de Bagdad amaneixe como Baldach.[1]
EsporteEditar
Dende a Primera Guerra Mundial a ciudat tien una important tradición de cursas de caballos que dentra en conflicto con os islamistas por as apuestas que van parellanas a istas cursas.
Como en a mayor parte d'o mundo en Bagdad tamién ye popular o fútbol y ye a siede de beluns d'os mas importants equipos de futbol en Iraq, estando los mas conoxitos y populars o Al Quwa Al Jawiya (Club d'Aviación), Al Zawra, Al Shurta (Policía) y Al Talaba (Estudiants).
Instalacions esportivasEditar
O estadio mayor de Bagdad ye o estadio Al Shaab, un estadio multiusos que estió feito a suya devantadera en 1966.
Localidatz achirmanatasEditar
ReferenciasEditar
- ↑ (es) Francisco Sangorrín Guallar y Rosa María Castañer Martín: La versión aragonesa del Libro de Marco Polo (siglo XIV): Edición y estudio, Tesis d'a Universidat de Zaragoza, 2014, p. 516, PDF (107 Mb)
Vinclos externosEditar
Se veigan as imáchens de Commons sobre Bagdad.- Pachina web oficial municipal de Bagdad.
- (fr) Historia de Bagdad.
- Mapa interactivo de Bagdad.
