Yazidismo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo Yazidismo u Sharfadin ye una relichión sincretica de zoroastrismo, mandeísmo, chudaísmo, cristianismo nestorín y islamismo chiita.
Los yazidís, ditos tamién yezidís constituyen una chicota minoría relichiosa de luenga kurda con arredol de cient mil miembros que viven en as rechions de Mosul en Irak y d'Halep en Siria, pero tamién ixemenatos por Turquía, Irán, Armenia y Cheorchia.
De tradición esencialment oral, d'os fidels d'esta relichión monoteísta discreta y dica secreta, los musulmans en dicen adoradors de lo diaple. De feito adoran a Malek Taus, literalement « l'anchel-pavo », criatura benfeitora a qui Dios habría confiato a dirección de lo mundo dimpués de creyar-lo. Los yazidís honran tamién a lo suyo suposato fundador, lo xaic Adi ibn Mustafa, muerto en 1160, y s'aplegan cada anyata en pelegrinache en la suya tumba en Lalesh. Bi ha dos libros sagratos, lo "Libro negro" y lo "Libro de la Revelación".
Los yazidis, como los drusos, creyen en la metempsicosi. Por lo que pareix han preso elementos de diferents relichions d'o suyo arredol: lo dualismo entre lo bien y lo mal de los zoroastristras, o baptismo y la cena de los cristiáns y las reglas alimentarias d'os chudeus. A suya organización ye de naturaleza teocratica, lo principe de los yazidís leva lo titol de Mirza Beg.
Creyen en la primacía, encara que de trazas miticas, de lo califa omeya Yazid, qui fació matar a lo fillo d'Alí, Hussein, y a la suya chicota colla de seguidors en Karbala en 680.
Tenioron l'apocheu entre los sieglos XII y XIV, y dimpués han sufrito una persecución dimpués d'una atra, que los han redueito a los dos macizos montanyosos on encara se troban as mayors comunidaz, pero tamién los han ixemenato dica plegar ta Cheorchia.
