Baptismo

O baptismo[1] (por vía culta, anque en aragonés a pronunciación más estendillada ye /ba'tismo/~/bal'tismo/, "batismo"[2] y "baltismo"[2]) ye un rito d'adopción d'o cristianismo que se relaciona quasi en totz os casos con l'augua. A l'acción de dar o baptismo se le diz baptizar (pron. "batizar"[2] u "baltizar").

Baptizo d'un nino.

Pa bellas ilesias cristianas, como a Catolica, o baptismo ye un sacramento.[3] Pa atras, como os anabaptistas, o baptismo representa una «ordenanza de Cristo». O baptismo se celebra pa dar-le dentrada en a relichión cristiana a un individo.

PopularEditar

En muitos puestos de l'Alto Aragón, a l'acción de baptizar a una persona encara se le i diz cristianar de forma coloquial. Tradicionalment, os ninons se vestiban d'una forma especial pa la cerimonia de baptizo. A o vestiu que se les meteba pa ixa ocasión se le diz vestiu «de cristianar».[4]

EtimolochíaEditar

A parola baptismo dimana d'o latín <BAPTISMUS,[5] que a la suya vegada la prene d'o idioma griego <βαπτισμός, baptismos.[5] Tiene os significaus d'inmersión, anegamiento, ser afundiau u mesmo afogamiento.[6] En o contexto cristiano, tiene o sentiu d'«inmersión» en a nueva relichión.

ImáchensEditar

ReferenciasEditar

  1. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.93
  2. 2,0 2,1 2,2 (an)(es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ena ed.); Mira Editores. Zaragoza, 2004. ISBN 84-8465-160-6
  3. (es) GONZÁLEZ, Justo L. Manual de Teología, consultau o 16 de marzo de 2019.
  4. (es) GUARC SANCHO, Elena et LATAS ALEGRE, Dabí (Coords.). Indumentaria tradicional aragonesa. Apuntes para una historia. PRAMES. Zaragoza, 2011. ISBN 978-84-8321-364-3
  5. 5,0 5,1 (es) Voz «Bautismo» en o DRAE; consultau o 16 de marzo de 2019.
  6. (es) Etimología de bautizar; consultada o 16 de marzo de 2019.

Se veiga tamiénEditar

Vinclos externosEditar