Violant de Bar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Violant de Bar | |
|---|---|
| Reina consort d'Aragón | |
 | |
| 6 de chinero de 1387-19 de mayo de 1396 | |
| Predecesor | Sibila de Fortià |
| Succesor | María de Luna |
| Naixencia | 1365 Norte de Francia |
| Muerte | 3 de chulio de 1431 Barcelona |
| Enterreco | Monesterio de Poblet |
| Conchuche/s | Chuan I d'Aragón |
| Dinastía | Casa de Montbelliard |
| Pai | Roberto I de Bar |
| Mai | María de Valois |
 | |
Violant de Bar (Ducau de Bar, Lorena, Francia 1365 - Barcelona, 1431), infanta de Bar y reina consort d'a Corona d'Aragón como segunda muller de Chuan I d'Aragón (1387-1396).
Culta, poliglota, lectora y escritora, deixó como legau un total de 45 volumens de cartas (bels 9.000 folios) en as que mos parla d'a vida politica y cultural d'o momento asinas como d'o suyo papel como filla, muller y mai. Escritas en latín y catalán, ye una d'as coleccions mas amplas escritas por una muller en a Espanya medieval. Todas ellas se conservan en l'Archivo Cheneral d'a Corona d'Aragón en Barcelona.
Orichens familiars
editarFilla d'o conte Roberto I de Bar y María de Valois. Yera nieta por linia paterna d'o conte Henrique IV de Bar y Violant de Flandres, y por linia materna d'o rei Chuan II de Francia y Bona de Luxemburgo. Y sobrina d'o rei Carlos V de Francia.
Biografía
editarEn 1380 se casó en Montpeller con o infant Chuan, contra a voluntad d'o rei Pero o Ceremonioso (que quereba casar a o suyo fillo Chuan con María de Sicilia). Tenió buena relación con o suyo mariu, pero unas relacions dificils con os suyos suegros, mas que mas con a zaguera muller d'o rei Pero: Sibila de Fortià. O conflicto yera de tals dimensions que se creyoron en a cort dos partius arredol de cada muller. Remató en l'anyo 1387, con a muerte d'o rei y a puyada a la cadiera reyal de Chuan, iste fació engarcholar a Sibila y ceder toz os suyos biens a Violant.
Dende alavez, Violant y o suyo mariu prencipioron una vida de luxo y malversación d'as rentas d'a monarquía, aduyaus por as camariellas de cadagún. As Corz de Monzón de 1383 y as de 1388 denuncioron istos feitos, pero fuoron desoyídas.
Cuan en l'anyo 1396 o rei Chuan morió mientres se trobaban de cazata, sin denguna descendencia masculina que le sobreviviera, a reina Violant simuló estar embarazada ta protecher-se, manimenos pronto se descubrió a falsedat y se nombró nuevo rei a o chirmán de Chuan, Martín I l'Humanista.
No tornó a fer parti en a politica reyal dica a muerte d'o nuevo rei en l'anyo 1410, tamién sin descendencia. Alavez esfendió a posibilidat d'os dreitos succesorios d'o nieto d'ella, Luis de Calabria, debant d'os seguidors de Ferrando de Trastamara, candidato que a la fin aconsiguió a cadiera reyal d'a Corona de Aragón en 1412 a traviés d'o Compromís de Casp.
Morió o 3 de chulio de 1431 y fue enterrecada en a seu de Barcelona, tresladando-se as suyas restas, en 1460, a o monesterio de Poblet, a on yera apedecau o suyo mariu Chuan I.
Matrimonio y descendencia
editarSe casó en 1380 en Montpeller con o rei d'Aragón, de Valencia, de Mallorca, de Cerdenya y de Corcega y conte de Barcelona, de Rosellón y de Cerdanya Chuan I o Cazataire, convertindo-se en a suya segunda muller. D'iste matrimonio naixioron:
- O infant Chaime d'Aragón y Bar (1382-1388), nombrau duque de Chirona y conte de Cervera en 1387.
- A infanta Violant d'Aragón y Bar (1384-1442), casada en 1400 con Luis II de Nápols.
Amás tenioron cuantos fillos que murioron poco dimpués d'o suyo naiximiento:
- O infant Ferrando d'Aragón (1389-1389), duque de Chirona y conte de Cervera.
- A infanta Antonia d'Aragón (1391-1392).
- A infanta Alionor d'Aragón (1393-1393).
- O infant Pero d'Aragón (1394-1394), duque de Chirona y conte de Cervera.
- A infanta Chuana d'Aragón (1396-1396).
Bibliografía
editar- (ca) La Gran Enciclopèdia en català, Barcelona, Edicions 62, 2004, tomo 20. ISBN 84-297-5448-2
| Predecesora: Sibila de Fortià |
Reina consort d'Aragón 6 de chinero de 1387-19 de mayo de 1396 |
Succesor: María de Luna |
Datos: Q259896
Multimedia: Yolande of Bar / Q259896
