Valentina Tereshkova
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Valentina Tereshkova | |
|---|---|
| |
| Información personal | |
| Naixida o: | 6 de marzo de 1937 |
| Naixida de: | .svg){kind=small} Máslennikovo, Yaroslavl, Unión Sovietica (hue Rusia)
|
| Ocupación: | Astronauta |
Valentina Vladímirovna Tereshkova (en ruso Валенти́на Влади́мировна Терешко́ва Máslennikovo, 6 de marzo de 1937) ye una incheniera rusa; como cosmonauta sovietica, estió a primera muller que viachó ta l'espacio exterior o 16 de chunyo de 1963 a bordo d'a nau Vostok 6.[1]
Biografía
editarValentina Tereshkova naixió en a chicota localidat de Máslennikovo en l'óblast de Yaroslavl en Republica Socialista Sovietica de Rusia en a Unión de Republicas Socialistas Sovieticas, actualment Rusia, o 6 de marzo de 1937. Dimpués d'abandonar a escuela, treballó en una fabrica de pneumaticos y mas tarde estudió incheniería. Tamién practicó paracaidismo.
En 1962 estió seleccionada pa o suyo ingreso en o cuerpo femenino de cosmonautas. D'entre mas de cuatrocientas candidatas, cinco estioron seleccionadas: Tatiana Kuznetsova, Irina Soloviova, Zhanna Yérkina, Valentina Ponomariova y Tereshkova.
O 16 de chunyo de 1963, a la edat de 26 anyos y a bordo d'o Vostok 6, se convirtió en a primera muller en viachar ta o espacio.[2] O suyo nombre en clau entre a misión estió Chaika (Чайка), ye decir, Gaviota.
Serguei Koroliov yera malcontent con o comportamiento de Tereshkova en orbita y no se le permitió prener o control manual d'a suya nau, tal como yera planiau. Encara que yeran previstos mas vuelos en os cuals participasen mullers, pasoron 19 anyos dica que unatra muller, Svetlana Savítskaya, viachase ta l'espacio. Garra d'as atras cuatro cosmonautas d'o grupo de Tereshkova viachó ta l'espacio. Ella mesma yera conscient d'ista situación y asinas l'expresó en a primera entrevista que dio a un periodista en octubre de 1967[3].
Dimpués d'a misión espacial estudió en l'Academia d'a Fuerza Aeria de Zhukovski, y se graduó como incheniera espacial en 1969. Ixe mesmo anyo, o grupo de cosmonautas femenino estió disuelto. En 1977 recibió o suyo doctorau en incheniería. A causa d'a suya prominencia desempenyó diversos cargos politicos: de 1966 a 1974 estió miembro d'o Soviet Supremo, de 1974 a 1989 formó parte d'o Presidium d'o Soviet Supremo, y de 1969 a 1991 perteneixió a o Comité Central d'o Partiu Comunista. En 1997 se retiró d'a fuerza aeria y d'o cuerpo de cosmonautas.
O 3 de noviembre de 1963 contrayió matrimonio con o cosmonauta Andrián Nikoláyev (1929-2004) y un anyo mas tarde dio a luz a la suya filla Elena Andrianovna Nikolaeva-Tereshkova (8 de chunyo de 1964), qui ye agora doctora en medicina y qui estió a primera persona naixida de dos cosmonautas que heban saliu ta o espacio.[4] Valentina s'esvurció d'o suyo primer mariu en 1982. O suyo segundo mariu, o Dr. Shapóshnikov, feneixió en 1999.
Misions
editar| Misión | Calendata | Durada | Comentarios |
|---|---|---|---|
| Vostok 6 | 15 de chunio de 1963 | 2 d 22 h 50 m | Programa Vostok |
Se veiga tamién
editarReferencias
editar- ↑ (es) Mujeres que fueron pioneras en ciencia.
- ↑ (es) Ricardo Artola:La carrera espacial, Alianza editorial, 2019, ISBN 978-84-9181-520-4, p.196
- ↑ Diario Vasco, 4 de octubre de 1967
- ↑ Feldman, Heather.
Vinclos externos
editar
Se veigan as imáchens de Commons sobre Valentina Tereshkova.
Datos: Q44371- Multimedia: Valentina Tereshkova / Q44371
