Universidat Sertoriana de Uesca

Universidat Sertoriana de Uesca
Edificio d'a Universidat y actual Museu de Uesca
Datos chenerals
Tipo	Publica
Siglas
Embotada	Universidat Sertoriana
Lema	'
Establimiento	12 de marzo de 1354 - 1845
Fundador	Pero IV d'Aragón
Localización
Adreza
Ciudat	Uesca
País	Aragón
Estato
Coordenatas
Atras seus
Campus
Profesors
Estudiants
• Bachillerato
• Pregrau
• Postgrau
• Doctorato
• Atros
Treballadors
Funcionarios
Administrativos
Mascota
Colors
•Academicas
•Esportivas
Administración
Rector	Esteban de la Cueva (¿1590? - 1594) Jorge Sichar (? - 1845)
Vicerrector
Canciller	Antonio d'Espés (1463 - ?) Cheronimo Lanuza (1528 - ?)
Vicecanciller
President
Director
Degán
'
Afiliacions
Financiamiento

A Universidat Sertoriana de Uesca estió una universidat que existió en a ciudat de Uesca dende a suya fundación o 12 de marzo de 1354 dica a suya desaparición en l'anyo 1845. Encara que Uesca en tiempo de Sertorio (72 a. C.) tenió una Academia de Latinidat, en o documento fundacional d'a universidat escrito por Pero IV o Ceremonioso no se i fa referencia a la tradición d'estudios latinos d'a ciudat. Manimenos, con o tiempo a universidat uescana recordaría en o suyo nombre aquel precedent titulando-se «Universidat Sertoriana».

Descripción

A Universidat de Uesca s'ubicó en l'edificio que aculle en l'actualidat o Museu de Uesca, que encara contiene cuantas cambras perteneixients a o Palacio d'os Reis d'Aragón d'o sieglo XII, edificau sobre una torre islamica con paramentos en estilo romanico rematada con almenas.

A mas importanta resta d'o Palacio Reyal ye a torre d'a Campana de Huesca, eixemplo unico d'o romanico urbán civil en Espanya. L'arranque ye una torre d'epoca arabe de planta hexagonal alargada, que conforma en planta una nau rematada por dos absides concaraus en os costaus curtos. A planta inferior u d'a sala d'a Campana de Uesca, encara amuestra tres finestras romanicas. A superior u sala d'a reina Peironela conserva os muros ornamentaus por columnas romanicas y capitels historiaus que firman arcos de meyo punto ciegos.

A resta de l'edificio d'a Universidat Sertoriana presenta un estilo barroco de gran austeridat d'influyencias herrerianas y fue disenyau por Francisco de Artiga en 1690. Tien planta octogonal con un patio porticau en o centro. Alberga iste patio restas arqueolochicas perteneixients a o Museu de Uesca.

Historia

A Universidat Sertoriana de Uesca fue fundada por o rei aragonés Pero IV d'Aragón dende Alcanyiz o 12 de marzo de 1354, a tamás d'a exclusividad que heba estau otorgada por Chaime II d'Aragón a la ciudat de Leida, unica con dreito a constituyir-se Estudio Cheneral en a Corona d'Aragón.

Mientres o sieglo XIV estió una universidat centrada en os estudios de Teolochía y gubernada y patrocinada por os churaus d'a ciudad. Un sieglo después, en 1450, Chuan II d'Aragón promueve reformas dirichidas a suyo empuixe, con midas economicas y de chestión. As suyas ensenyanzas s'enamplan en iste sieglo XV a las disciplinas relacionadas con o Dreito, a Medicina y a Filosofía.

Manimenos, a rivalidat con a Universidat de Leida levó a que as dos universidaz no reconoixesen os reciprocos títols y graus que atorgaban. En o sieglo XVI as suyas instalacions s'enamplan con cambras de l'antigo Palacio Reyal, gracias a una cesión reyal de Felipe I, y se creya o Colechio Mayor Imperial de Sant Chaime emulando a o colechio mayor d'a Universidat de Salamanca, con capacidat pa trece estudiants con rector propio que eslechiban os propios alumnos. En 1587 se funda un segundo colechio mayor, dito de Sant Vicent Mártir. Pero a tamás de toz os esfuerzos, a rivalidat con a Universidat de Leida y con a naixient Universidat de Zaragoza levará a la Sertoriana a una important decadencia en zaguerías d'o sieglo XVI, d'a que no se recuperaría dica a suya desaparición en 1845 con as reformas liberals de l'amostranza.

Dimpués d'a clausura d'a Universidat Sertoriana, en 1850 se pensó en creyar un museu aproveitando os fundos universitarios, destacando en iste prochecto a iniciativa d'o pintor y erudito Valentín Carderera, alumno d'a mesma, qui donó gran parti d'a suya colección privada. En chunio de 1873 s'inauguraba oficialmente. Mas tardi, en 1968, o Museu Provincial de Huesca pasó a ocupar as dependencias de l'antigua Universidat. En 1993 se fació una nueva reforma d'o museu, que fue esviellau en profundidat y tornau a inaugurar en 1999.

Mandatarios

Rectors

Nombre	Años
Esteban de la Cueva	¿1590? - 1594
Cheronimo Ferrández d'Heredia	???? - ????
Juan Orencio Lastanosa	1631 - ????
Domingo Forcada	1645
Marcos Jiménez	1666
Francisco Ferrer	1672 - ????
José María Abadías	¿1690? - ????
Diego Lasierra	1695 - ????
Pedro María de Ric y Monserrat	???? - ????
Demetrio Lorés Garasa	1733 - ????
Francisco Asensio	1759 - ????
José Sanz de Larrea	1787-1788
Ramón Otal y Mozárabe	???? - ????
Victorián de Villava y Aibar	???? - ????
Tomás Pérez	???? - ????
Jorge Sichar	???? - 1845

Cancellers (1463 - 1585)

Nombre	Anyos
Antonio d'Espés	25 d'octubre de 1463 - ????
Carlos d'Urriés	???? - 1519
Pero Chordán d'Urriés	1519
Carlos d'Urriés	1519 - 1528
Cheronimo Lanuza	1528 - ????

Mayestrescuelas (1585 - ????)

Aprebau por a bula de Pio V en 1571 a requesta de Felipe II en substitución d'a cancellería, no se nombró a o primer mayestrescuela dica 1585.

Nombre	Anyos
Chuan Cardona	1585 - 1603

Vinclos externos

• (es) Documentos d'a Universidat Sertoriana en l'Archivo Historico Provincial de Uesca