Tractau d'os Pireneus

(Reendrezau dende Tractato d'os Pireneus)

Se conoix con o nombre de Tractau d'os Pireneus u Paz d'os Pireneus a un tractau internacional sinyau o 7 de noviembre de 1659 en a isla d'os Faisans, una chicota isla fluvial en o río Bidasoa (muga entre as dos monarquías intervenients) entre Luis de Haro, representant d'o rei Felipe III d'Aragón, y o cardenal Mazarino, representant d'o rei Loís XIV de Francia, en o marco d'os tractaus de paz que rematoron a Guerra d'as Trenta Anyadas.

Perdugas territorials d'a Monarquía Hispanica por o Tractau d'os Pireneus, en color rosa.

Por iste tractau, que gosa considerar-se que fa parte d'o conchunto de tractaus d'a dita Paz de Westfalia, entre atras importants perdugas territorials d'a Monarquía Hispanica en favor d'o Reino de Francia, a Corona d'Aragón perdió o condau d'o Rosellón y parte d'o condau d'a Cerdanya, que actualment conforman a dita Catalunya Norte en o estau francés, con capital en Perpinyán. Istas cesions se facioron sin as previas consultas a las Cortz d'a Corona d'Aragón, que no se trobaba representada en as negociacions, crebando-se asinas o Privilechio d'Unión d'Aragón y Mallorca de Pero IV d'Aragón seguntes o qualo os territorios que heban feito parte de l'antigo Reino de Mallorca no podrían nunca deseparar-se d'a Corona d'Aragón.

Vinclos externosEditar