Paz de Westfalia

Se conoix en con o nombre de Paz de Westfalia u (impropiament) Tractau de Westfalia u Tractaus de Westfalia a un conchunto de tractaus internacionals sinyaus entre mayo y octubre de 1648 en as ciudatz d'Osnabrück y Münster, con os qualos rematoron d'una man a Guerra d'as Trenta Anyadas (1618-1648) en o Sacro Imperio Román Chermanico y, d'atra man, a Guerra d'as Ueitanta Anyadas (1568-1648) entre Espanya y as Provincias Unidas.

A ratificación d'a Paz de Westfalia en Münster, quadro de Gerard ter Borch (1648, Rijksmuseum Amsterdam, Amsterdam).

En as negociacions y en as sinyaturas d'os tractaus prenió parte Ferrando III d'o Sacro Imperio Román Chermanico, en representación d'os Habsburgo, y yeran representaus Espanya, o reino de Francia, Suecia y as Provincias Unidas, amás d'os suyos respectivos aliaus entre os prencipes y ciudatz libres d'o Sacro Imperio Román Chermanico.

Os tractaus concretos que se i encluyen son:

Iste conchunto de tractaus gosan considerar-se como l'alazet d'a muderna diplomacia, y establioron una nueva situación politica en Europa Central, basada en o concepto d'estau sobirán, y tenioron fundas conseqüencias en a Historia d'Europa.

Antiparte, cal parar cuenta que ta bells historiadors tamién fa parte d'ixe conchunto de tractaus, encara que son deseparaus en o tiempo, o Tractau d'os Pireneus de 1659 entre Espanya y Francia.

Vinclos externosEditar