Tozal de Pelopín

(Reendrezau dende Tozal d'o Pelopín)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre o tozal de Pelopín. ta atros emplegos de Pelopín se veiga Pelopín (desambigación).
Pelopín
O Pelopín dende o camin d'Otal ta cuello Otal (man de Sobrepuerto).
Situación
Situación Muga entre Linars de Broto y Broto (Aragón)
Latitut 42.754953 Norte
Lonchitut -0.189506 Ueste
Vértiz cheodesico Error d'expresión: operador / no asperau/0.pdf
Cheografía
Cordelera Sierras interiors pirenencas
Sierra
Macizo
Altaria 2007 m
Primera puyada
Ruta mas fácil
Mapa

O tozal de Pelopín, punta Pilopín[1] u simplament Pelopín ye a segunda altura d'a sierra d'a Manchoya con 2007 metros d'altitut,[2] en as sierras interiors pirenencas d'Aragón, en o que en l'actualidat ye a comarca de Sobrarbe.

O Pelopín ye a punta mas septentrional d'a sierra d'a Manchoya y ye una punta vistera ta tres valles: a valle de Broto por o costau oriental, a valle d'o río Sorrosal por a man norte, y a valle d'Otal por a ueste. Ye una d'as fitas que sinyorean o Sobrepuerto, por a part d'Otal, y entre a suya baixant nor-ueste y a dita Penya Ronata se troba o cuello Otal, o puerto tradicional ta pasar entre Otal y a cuenca d'o río Sorrosal. Por a versant sud se pasaba dende Sobrepuerto t'a valle de Broto por Yosa, por o puerto dito cuello Pelopín.

Toponimia editar

Chesús Vázquez Obrador, en o suyo treballo sobre a toponimia d'o Sobrepuerto (Comarca de l'Alto Galligo, 2004), afirma que Pelopín ye probablement un toponimo composato.[3]

O primer etimo estaría una contracción de <PŌDIU, «pueyo» (tozal), en una forma monosilaba que se troba a sobén en a toponimia altoaragonesa.[3] Seguntes iste mesmo autor, a segunda parte d'o toponimo, -lopín, correspondería con a evolución d'un chenitivo latín <*LŪPINI, derivato de l'antroponimo (nombre de persona) <LŪPINU.[3] En iste caso, Pelopín significaría «tozal de Lūpinu».

Manimenos, o propio autor reconoix a posibilidat de que o dito «Lupinu» no estás en realidat un nombre de persona, sino un adchectivo referent a o lobo, <LUPU en latín, de forma que o significato etimolochico alavez estaría «tozal d'os lobos».[3]

Referencias editar

  1. (es) Toponimos oficials de Sobrarbe en www.lenguasdearagon.org
  2. (es) Pelopín en o portal de montanyismo Mendikat.net; consultau o 17 de noviembre de 2015.
  3. 3,0 3,1 3,2 3,3 (es) VAZQUEZ OBRADOR, Jesús. Nombres de lugar de Sobrepuerto,, análisis lingüístico. Ed. comarca de l'Alto Galligo. Uesca, 2004. ISBN 84-8127-131-4. Versión dichitalizada consultable en linia

Se veiga tamién editar

Vinclos externos editar