Tola

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre as tolas. Ta o municipio d'a provincia de Zamora, se veiga Tola (Zamora).

As tolas (puet estar que d'o latín <TABULA) son as tablas de madera u planchas de cualsiquier atro material resistent y de poco peso con as cuals se cubilla bellas construccions, en fendo parte d'o tellau.

Un tellau de tolas de madera.

A tamas que en Aragón, como en a mayor parte d'a Peninsula Iberica, no ye guaire frecuent l'arquitectura con tellaus de madera, existe nuclios en l'Alto Aragón y sobre tot en cualques vals inmediatas a o Pireneu axial a on que, por a poca disponibilidat de buens materials ta cubillar as edificacions, se'n heba emplegau tradicionalment ta fer de tellau a bels edificios, mas que mas secundarios, como pallers u cuadras. Son eixemplos de vals a on que encara en l'actualidat se puede veyer cualques bordas con cubiertas de tolas a de Tella y a de la Comuna.

Anque o termin, orichinalment, se referiba a las tolas de madera, a decadencia de l'uso d'iste material en as construccions y l'aparición y cheneralización a lo largo d'o sieglo XX de belatros materials artificials de prestacions similars pero mas duración, como o plastico, a tela asfaltica u o fibrocemento, ha feito que se trasladás a las planchas d'istos o nombre de tolas. En l'actualidat, o que con mas frecuencia se denomina como tolas, en bels puestos de l'Alto Aragón, son as populars planchas de fibrocemento y materials plasticos.

Imáchens

• 
  Bordas con tellau de tolas, en Austria.
• 
  Una cabana con tellau de madera.
• 
  Tolas de fibrocemento.

Se veiga tamién

• Tella (material de construcción)
• Lenastra
• Lera
• Tellato

• Datos: Q211367
• Multimedia: Sheet metal / Q211367