Three Days of the Condor
Three Days of the Condor (títol orichinal en anglés Tres días d'o Condor, enguerada en Aragón con o títol en castellano de Los tres días del Cóndor, en aragonés Os tres días d'o Condor) ye una cinta de cine estausunidense de cine d'intriga politica d'espionache de l'anyo 1975 dirichida por Sydney Pollack seguntes un guión adaptau por Lorenzo Semple Jr. y David Rayfiel (basau en a novela Six Days of the Condor, publicada por James Grady en 1974), con una banda sonora orichinal de Dave Grusin, una dirección de fotografía d'Owen Roizman, una producción cinematografica de Stanley Schneider ta la productora cinematografica Dino De Laurentiis Corporation y un elenco formau en os suyos papels principals por os actors Robert Redford, Faye Dunaway, Cliff Robertson, Max von Sydow, John Houseman, Addison Powell, Walter McGinn, Tina Chen y Michael Kane.
Joe Turner treballa como analista en a Central Intelligence Agency en una oficina camuflada. O suyo treballo consiste en leyer toda traza de publicacions ta fer contimparanzas con accions reals d'a CIA u ta obtener ideas planteyar-ne de nuevas. Joe se sorprende de trobar una novela con elementos estranios y que encara que con un argumento y redacción muit simples ha estau traducida a cuantos idiomas y fa un informe sobre lo tema. Pocos días dimpués marcha d'a oficina en horario laboral ta mercar desachuno ta los suyos companyers y cuan torna troba que toz han estau asasinaus. Dende alavez investiga sobre los feitos a la vegada que se veye obligau a fuyir de toz en no saber qui ye realment o suyo amigo.
A cinta s'ambienta en a suya epoca actual (1975) en a ciudat de Nueva York en os Estaus Unius y las suyas escenas se filmoron en ixa mesma ciudat de Nueva York y en Hoboken en Nueva Jersey, en Arlington en Virchinia y en Washington, DC.[2]
Se tracta d'una cinta que ha recibiu cuantos premios y nominacions, en destacando una nominación a los Premios Oscar en a suya 48ena edición (Millor Montache), una nominación a los Premios Globos d'Oro en a suya 33ena edición (Millor Actriz Dramatica) y un Premio David de Donatello (Premio Especial) en a suya 21ena edición.
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q458033
