The Wolf of Wall Street (cinta de 2013)
- Iste articlo ye sobre una cinta estausunidense de 2013 de cine biografico de comedia criminal; ta atros usos, se veiga The Wolf of Wall Street y The Wolf of Wall Street (cinta).
The Wolf of Wall Street (títol orichinal en anglés, en aragonés O lobo de Wall Street, enguerada en Aragón con o suyo títol traduciu enta lo castellano como El lobo de Wall Street) ye una cinta de cine estausunidense de cine biografico de comedia policiaca de l'anyo 2013 dirichida por Martin Scorsese seguntes un guión adaptau por Terence Winter (basau en The Wolf of Wall Street, un libro de no ficción publicau por Jordan Belfort en 2007), con una dirección de fotografía de Rodrigo Prieto y una producción cinematografica de Martin Scorsese, Leonardo DiCaprio, Riza Aziz, Joey McFarland y Emma Tillinger Koskoff ta las productoras Red Granite Pictures, Appian Way Productions, Sikelia Productions y EMJAG Productions. L'elenco d'actors d'a cinta ye formau, en os suyos papels principals, por os actors Leonardo DiCaprio, Jonah Hill, Margot Robbie, Matthew McConaughey, Kyle Chandler, Rob Reiner, Jon Bernthal, Jon Favreau, Jean Dujardin, Joanna Lumley, Cristin Milioti, Christine Ebersole, Shea Whigham, Katarina Čas, P. J. Byrne, Kenneth Choi, Brian Sacca, Henry Zebrowski y Ethan Suplee.
Jordan Belfort, qui en 1987 tien 22 anyadas, prencipia a treballar como achent de bolsa en Wall Street ta la interpresa LF Rothschild, dirichida por Mark Hanna. Bien luego dentra en una espiral de drogas y treballo de contino, con l'obchectivo de fer o maximo posible de diners en o menor tiempo posible. En o clamau lunes negro de 1987, cuan se funde lo mercau de valors, queda en desemplego y accepta treballar en una interpresa especializada en a intermediación d'accions de baixo valor. Pos o suyo estilo agresivo de treballo bien luego fa una chicota fortuna, que invierte a meyas con o suyo vecino y amigo Donnie Azoff en fundar una nueva interpresa d'achents de bolsa. Con tecnicas de manipulación como lo "pump and dump" (basicament fer puyar artificialment o pre d'una acción ta vender-la a pre elevau a inversors que bien luego veyen cayer abruptament o valor) consiguen altos beneficios y fran creixer espectacularment a interpresa, dica que la U.S. Securities and Exchange Commission y lo Federal Bureau of Investigation prencipian a investigar as actividaz d'a interpresa, y Jordan decide ocultar os suyos diners en Suiza a traviés d'un banquero suizo corrupto y de bels conoixius que tienen pasaportes de países europeus.
A cinta s'ambienta dende 1987 dica 1998 en Nueva York y Las Vegas en Estaus Unius, en Chinevra y atros lugars en Suiza, en Roma y atros lugars en Italia, en Londres y atros lugars en o Reino Uniu, en Mónegue y en Nueva Zelanda. As suyas escenas se filmoron en Portofino en Italia, en Ardsley, White Plains, Oyster Bay, Mamaroneck, Bayville, Harrison, Port Washington y Nueva York en o estau de Nueva York, en Las Vegas en Nevada, en Los Angeles en California y en Closter en Nueva Jersey en Estaus Unius, en Chinevra en Suiza y en Bahamas.[2]
Se tracta d'una cinta que ha recibiu cuantos premios y nominacions, entre los que se pueden destacar cinco nominacions a los Premios Oscar en a suya 86ena edición (Millor Cinta, Millor Director, Millor Actor, Millor Actor Segundario y Millor Guión Adaptau), cuatre nominacions a los Premios BAFTA en a suya 67ena edición (Millor Director, Millor Actor, Millor Guión Adaptau y Millor Montache), u un Globo d'Oro a lo Millor Actor de Musical u Comedia (amás d'una nonimación a la Millor Cinta de Musical u Comedia) en a suya 71ena edición.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar
Se veigan as imáchens de Commons sobre The Wolf of Wall Street.- (en) Pachina web oficial de The Wolf of Wall Street.
