The Wind and the Lion
The Wind and the Lion (títol orichinal en anglés, en aragonés O viento y lo lión, enguerada en Aragón con o suyo títol traduciu enta lo castellano como El viento y el león) ye ua cinta de cine d'aventuras epicas de l'anyo 1975 de cine estausunidense dirichida por John Milius seguntes un guión orichinal d'él mesmo, con una banda sonora orichinal de Jerry Goldsmith, una dirección de fotografía de Billy Williams y una producción cinematografica de Herb Jaffe ta las productoras Metro-Goldwyn-Mayer y Herb Jaffe Productions. Forman l'elenco d'a cinta, entre d'atros, os actors Sean Connery, Candice Bergen, Brian Keith, John Huston, Geoffrey Lewis, Vladek Sheybal, Steve Kanaly, Roy Jenson, Nadim Sawalha, Darrell Fetty, Marc Zuber, Antoine Saint-John, Simon Harrison, Polly Gottesman, Deborah Baxter, Jack Cooley, Chris Aller, Aldo Sambrell, Luis Barboo, Billy Williams, Ben Tatar y John Milius.
A cinta s'inspira en un feito real, o clamau "incident Perdicaris" (u "caso Perdicaris"), y conta cómoAhmed al-Raisuli, que ye un dirichent d'os berebers oposau a Abdelaziz, o soldán de Marruecos, en estar contrario a las influyencias occidentals en o país, a on i chocan os intreses colonials d'Alemanya, Francia y lo Reino Uniu. En realidat qui diriche lo país ye lo paixá de Táncher, tío d'o soldán, a qui Abdelaziz considera un corrupto vendiu a los intreses europeus. Con l'obchectivo de fer vergonya a lo soldán y provocar una guerra civil que lo derroque, dentra en l'anyo 1904 en Táncher y secuestra a Eden Pedecaris, una ciudadana estausunidense y a sus fillos William y Jennifer, que se trobaban en a suya casa, matando amás a una visita, lo britanico sir Joshua Smith en l'asalto. Dimpués exiche un rescate imposible, en sabendo que ixo provocará un greu incident internacional. O president d'os Estaus Unius Theodore Roosevelt, qui se troba en periodo de reelección, decide fer servir ixe incident en o suyo propio proveito, emprando como slogan de campanya Pedecaris viva u Raisuli muerto!, encara que lo suyo secretario d'Estau John Hay, ye partidario de mas tranquilidat. Como Samuel R. Gummeré, o cónsul estausunidense en Táncher, ye incapable de conseguir un tracto, decide ninviar-ie tropas navals baixo lo mando de l'almirant French Ensor Chadwick ta forzar un tracto. D'atra man, Eden en o suyo captiverio considera que Raisuli ye nomás que un fabán, encara que los suyos fillos cada vegada l'admiran mas; tanimientres, poquet a poquet Eden prencipia a comprender os motivos y las actituz de Raisuli, en un proceso paralelo a lo que tamién sigue lo president estausunidense. Finalment, en considerar que la situación ye en un punto muerto, Roosevelt ordena a las tropas un asalto a lo palacio d'o paixá ta forzar-lo a negociar con Raisuli.
A cinta s'ambienta en Táncher y atros puestos de Marruecos en l'anyo 1904 y las suyas escenas se filmoron en La Calahorra y Granada en a provincia de Granada, en Sevilla, en o cabo de Gata en a ciudat d'Almería, en Gérgal y atros lugars en a provincia d'Almería y en o Parque Nacional de Doñana (provincias de Uelba y Sevilla), en Espanya, amás d'en l'Hotel Palace de Madrit ta las escenas a on amanixe en a cinta la Casa Blanca.[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) Kramer vs. Kramer en Internet Movie Database.
- (en) Kramer vs. Kramer en AllMovie.
- (en) Kramer vs. Kramer en TCM Movie.
- (en) Kramer vs. Kramer en l'American Film Institute Catalog de l'American Film Institute.
- (en) Kramer vs. Kramer en Rotten Tomatoes.
- (es) Kramer vs. Kramer en FilmAffinity.
- (fr) Kramer vs. Kramer en Allociné.
- (en) Kramer vs. Kramer en Letterboxd.
- (en) Kramer vs. Kramer en Box Office Mojo.
- (en) Kramer vs. Kramer en Metacritic.
- (en) Kramer vs. Kramer en Netflix.