The Pride and the Passion
The Pride and the Passion (títol orichinal en anglés, en aragonés Argüello y pasión, enguerada en Aragón con o suyo títol traduciu enta lo castellano como Orgullo y pasión) ye una cinta de l'anyo 1957 de cine estausunidense de cine de drama belico-romantico dirichida por Stanley Kramer seguntes un guión adaptau por Edna Anhalt y Edward Anhalt (basau en The Gun, una novela publicada en 1933 por C.S. Forester), con una dirección de fotografía de Franz Planer, una banda sonora orichinal de George Antheil, una producción cinematografica de Stanley Kramer ta la suya productora cinematografica Stanley Kramer Pictures y con un elenco d'o cual en fan parte, entre d'atros, actors como Cary Grant, Frank Sinatra, Sophia Loren, Theodore Bikel, John Wengraf, Jay Novello, José Nieto u Philip Van Zandt.
Mientres a Guerra d'o Francés, o capitán Anthony Trumbul, miembro d'a Royal Navy, recibe la orden de colaborar con un grupo de guerrillers espanyols, aliaus d'o Reino Uniu de Gran Bretanya y Irlanda en a suya luita contra l'Imperio francés, en recuperar un gran canyón de setio y levar-lo ent bel puerto de mar a on lo pueda recuperar a Royal Navy. Pero cuan lo troba, lo chefe d'os guerrillers li diz que antes de permitir que cumpla la suya misión, él l'ha d'aduyar, en transportando lo canyón a traviés d'una distancia de 1.000 km dica la ciudat d'Ávila ta conquistar-la de mans d'os franceses. Mientres o viache, bien dificultoso, lo capitán s'enamora de Juana, l'amant d'o chefe guerrilero Miguel y ista tamién li fa cara, provocando la zelera de Miguel.
A cinta s'ambienta en os anyos 1800 u 1810 mientres a Guerra d'o Francés en Espanya, basicament en l'actual comunidat autonoma de Castiella y Leyón y en a ciudat d'Ávila en ixa mesma comunidat, y las suyas escenas se filmoron en a Ciudad Encantada en Cuenca y en Toledo (Castiella-La Mancha), en o monesterio d'El Escorial en San Lorenzo de El Escorial y en Valdemoro (Comunidat de Madrit), en l'acueducto de Segovia en Segovia y en Ávila con a suya muralla (Castiella y Leyón) y en Santiago de Compostela (Galicia), amás d'en os Universal Studios en Universal City en California.[2]
Ye una cinta que ha recibiu bella nominación, pero a garra d'os premios mas destacaus u conoixius.
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) The Pride and the Passion en Internet Movie Database.
- (en) The Pride and the Passion en TCM Movie Database.
- (en) The Pride and the Passion en AllMovie.
- (en) The Pride and the Passion en l'American Film Institute Catalog de l'American Film Institute.
- (es) The Pride and the Passion en FilmAffinity.
- (fr) The Pride and the Passion en Allociné.
- (en) The Pride and the Passion en Rotten Tomatoes.
- (en) The Pride and the Passion en Letterboxd.
- (en) The Pride and the Passion en Box Office Mojo.
- (en) The Pride and the Passion en Netflix.
Datos: Q611966
