The Naked and the Dead (cinta)
The Naked and the Dead (títol orichinal en anglés, en aragonés Os despullaus y los muertos, enguerada en Aragón con o suyo títol traduciu enta lo castellano como Los desnudos y loe muertos) ye una cinta de cine de drama belico de cine estausunidense enguerada l'anyo 1958, dirichida por Raoul Walsh seguntes un guión orichinal de Denis Sanders y Terry Sanders (basau en The Naked and the Dead, una novela publicada por Norman Mailer l'anyo 1948), con una banda sonora orichinal de Bernard Herrmann, una dirección de fotografía de Joseph LaShelle y una producción cinematografica de Paul Gregory ta la productora cinematografica RKO Radio Pictures. Conta con un elenco d'actors d'o cual en fan parte, entre d'atros actors, Aldo Ray, Cliff Robertson, Raymond Massey, Lili St. Cyr, Barbara Nichols, William Campbell, Richard Jaeckel, James Best, Joey Bishop, Jerry Paris, Robert Gist, L.Q. Jones, Max Showalter y John Beradino.
O cheneral Cummings ha demanau como aduyant a lo tenient Hearn, que ye fillo d'un d'os suyos amigos, y lo tracta como si estase lo suyo propio fillo mientres a Segunda Guerra Mundial en o teatro d'operacions d'o Pacifico. Tanimientres, cuan o tenient expresa lo suyo desagrau por a opinión d'o cheneral de que "cal fer cera a los subordinaus ta que prevaleixca la disciplina", ye transferiu ta manar un pelotón de reconoiximiento en una misión muit periglosa. Dica l'inte ixe pelotón l'heba manau lo sarchento Croft, un militar profesional con fama de cruel, que bien luego manifiesta un caracter bien contrario a lo d'o tenient. Cuan topan con una fuerte resistencia de l'Exercito Imperial Chaponés, lo tenient decide tornar a la base, pero lo sarchento embudia fendo-le creyer que los chaponeses han marchau, y lo tenient resulta feriu amás de bels soldaus que mueren. Bels soldaus tornan con o tenient feriu levando-lo en una camilla, pero lo sarchento contina con os atros ta cumplir a misión.
A cinta s'ambienta en bella isla d'Oceanía en l'oceano Pacifico en os anyos 1940 mientres a Segunda Guerra Mundial, y las suyas escenas se filmoron en Hawaii en os Estaus Unius y en Panamá.[2]
Se tracta d'una cinta que ha recibiu bella nominación a bel premio, pero no a garra premio d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q1215101
