Taifa d'Albarrazín
La Taifa d'Albarrazín u Reino d'Albarrazín estió una chicota taifa independient entre los sieglos IX y XII.
| طائفة بني رزين ṭāʾifa bny rzyn Taifa d'Albarrazín | ||||
|---|---|---|---|---|
| ||||
 | ||||
| Capital | Albarrazín | |||
| Idioma oficial • Atros idiomas |
Arabe Mozarabe | |||
| Relichión | Musulmana sunnita | |||
| Gubierno | Emirato | |||
| Periodo historico | Edat Meya | |||
| • Independencia d'o Califato de Cordoba | 1012 | |||
| • Almorabetz | 1104 | |||
.svg){kind=small}
Dende la suya independencia de lo Califato de Cordoba en 1012 fue gubernata por los Banu Razín, familia berber que yera establita en la Sierra d'Albarrazín
Lo territorio de la taifa yera chicot, situato entre lo curso alto de lo Guadalaviar, a on que yera la suya capital Albarrazín, lo curso alto de lo Xiloca y tota la compleganza de lo río Alfambra.
La independencia de la taifa remató con la plegata de los almorabetz. Quan los almorabetz perdioron poder, la zona la se disputaban reis taifas de Murcia y Valencia dica que en 1147 Albarrazín quedó en poder de lo Rei Lop, como tot lo Levant musulmán hispán (Xarq al-Andalus).
Se crei que en ixas envueltas de los musulmans la Sierra d'Albarrazín no teneba tantas aldeyas como en lo periodo cristián, y chunto con la ciudat u medina d'Albarrazín bi heba un poblamiento rural basato en alquerías, en huertas habitatas por comunidatz poco lumerosas protechitas por qualques torres.
Lo Sinyor d'Estella Pero Ruíz d'Azagra, aliato de lo Rei Lop se fació con lo poder de Santa María de Aben Razín u Senyoría d'Albarrazín comprando-la u recibindo-la a cambio de los suyos servicios enta 1170.