Sufixo -endo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo sufixo -endo ye un sufixo derivau de lo participio de futuro pasivo latín de las conchugacions segunda y tercera^[1] y que se fa servir en aragonés pa creyar adchectivos y substantivos que en la suya mes gran part son cultismos y semicultismos.

La variant -iendo corresponde a los verbos de la tercera conchugación que terminan en -io y a verbos de la quarta conchugación.

Los substantivos con este sufixo en realidat presentan la forma -enda, que se remonta a lo plural neutro de lo participio.

Eixemplos

Berienda / brienda / brenda.
Calenda / calienda, actualment pervive como calandras.
Contienda.^[2]^[3]^[4]^[5]
Dicienda.
Enmienda / emienda.^[3]
Facienda.^[6]
Leyenda / lienda.
Ofrenda.
Punienda.^[3]
Vivienda. Persiste en la Val de Vio como vivianda.^[7]

Comparanza con atras luengas romances

En atras luengas romances tamién se troba terminacions u sufixos cognatos. En catalán se presenta como -ena: berena, ofrena por la evolución de lo grupo -ND- ta -n-, evolución que estió común en aragonés preliterario, pero que huei se troba en palabras aisladas sobre tot en la zona oriental u en la mes gran part de los casos en benasqués, a on que se documenta ixena y brena por estar palabras patrimonials y dihendes por estar castellanismo.

Lo castellano hacienda tiene lo mesmo orichen que l'aragonés facienda y lo catalán faena / feina, habendo preso diferents significaus en las respectivas luengas. Lo castellano hacienda ha estau amprau en catalán como hisenda y en aragonés como hicienda.
Lo catalán occidental faena ha estau amprau en castellano tal y quiento y en aragonés como faina u fayena.
Lo italianismo fachenda tiene en lo suyo orichen lo sufixo -enda.
Lo latinismo francés agenda tamién lo presenta.^[1]

Referencias

↑ ^1,0 ^1,1 (es) David A. Pharies: Diccionario Etimológico de Los Sufijos Españoles: Y de Otros Elementos Finales. Volumen 25 de Biblioteca románica hispánica. Editorial Gredos, S.A., 2002. p 207-208.
↑ (an) Fuero Cheneral de Navarra
↑ ^3,0 ^3,1 ^3,2 (an) Vidal Mayor
↑ (an) Vidas Semblants.
↑ (an) Cronica de los Conquiridors.
↑ (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999). p 246.
↑ (es) Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edizions + Institución Fernando el Católico + Deputación provincial de Zaragoza; Zaragoza 2007. ISBN 978-84-8094-060-3 p 49.

Bibliografía

(es) David A. Pharies: Diccionario Etimológico de Los Sufijos Españoles: Y de Otros Elementos Finales. Volumen 25 de Biblioteca románica hispánica. Editorial Gredos, S.A., 2002.
(es) Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edizions + Institución Fernando el Católico + Diputación de Zaragoza; Zaragoza 2007. ISBN 978-84-8094-060-3.

Datos: Q65395855

[PHARIESUF-1] 1,0 ^1,1 (es) David A. Pharies: Diccionario Etimológico de Los Sufijos Españoles: Y de Otros Elementos Finales. Volumen 25 de Biblioteca románica hispánica. Editorial Gredos, S.A., 2002. p 207-208.

[FUEROCHENERALDENAVARRA-2] (an) Fuero Cheneral de Navarra

[VIDALMAYOR-3] 3,0 ^3,1 ^3,2 (an) Vidal Mayor

[VIDASSEMBLANTES-4] (an) Vidas Semblants.

[CRONICACONQUIRIDORS-5] (an) Cronica de los Conquiridors.

[ARAGVIELLOSOB-6] (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999). p 246.

[NUCLEYARCUE-7] (es) Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edizions + Institución Fernando el Católico + Deputación provincial de Zaragoza; Zaragoza 2007. ISBN 978-84-8094-060-3 p 49.

[1]

[2]

[3]

[4]

[5]

[6]

[7]