Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo tracta sobre las calandras como metodo pa predecir l'orache en la cultura popular. Pa atros usos de calandra se veiga Calandra (desambigación).

Las calandras u caliendas son una forma popular de predicir l'orache que s'emplegaba antes mas. Se para cuenta de l'orache que fa empecipiando lo 13 d'aviento, Santa Lucia y rematando lo 5 de chinero, viespra de reis.

Cada día, fueras de lo de Nadal, corresponde con un mes de l'anyo vinient. D'esta traza, lo día 13 d'aviento (Santa Lucia) equivaldrá a chinero, lo día 14 a febrero, y asinas d'esta traza. Deciba que puyaban las calandras. Lo día de Nadal no tien equivalencias y ye un punto d'inflexión. Dimpués se para cuenta de l'orache que fa los 12 días dimpués, pero de retaculas, lo día 26 correspondeba a aviento, lo día 27 correspondeba con noviembre, y asinas d'esta traza. Se deciba que baixaban las calandras.

Si coincidiba l'orache de los dos días que correspondeban a lo mesmo mes, se podeba predicir que ixe mes de l'anyo vinient faría ixe orache.

En Castelserás y Torrociella d'Alcanyiz s'ha conservau lo nombre orichinal de Caliendas,[1] evolución regular en aragonés de lo latín CALENDAS, (primer día de cada mes).

Las Calandras u Caliendas aragonesas equivalen a les tretzenades de zonas catalanoparlants y a las Cabañuelas castellanas, son en atras calendatas y que temporalment coinciden con las Tenporak bascas.

Referencias editar

  1. (es) QUINTANA i FONT, Artur et al., El Aragonés residual del bajo valle del Mezquín (2ª Ed.); Concello de Torrociella d'Alcanyiz. Torrociella d'Alcanyiz, 2004. ISBN 84-606-3647-X p 59.

Bibliografía editar