Sima de Sant Per
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La sima de Sant Per (en castellano Sima de San Pedro) ye una dolina en pozo situada en lo lo termin municipal d'Oliet, a lo sud de la sierra d'Arcos y en costau norte de lo sinclinal d'Oliet,[1] cerca de l'antigo Monesterio de Sant Per de los Griegos y de lo poblau iberico Cabezo de Sant Per.
_(24345031098)_(cropped).jpg)
_(24345031608)_(cropped).jpg)
La fondura ye de 120 m, con una boca externa en forma d'envasador y bels 65 x 90 m de diametro, que enta dentro va pasando a tener parez cuasi verticals ixamplando-se en lo fondón, a on que bi ha una laguna sotorrana de 22 m de fondura.
La presencia de sedimentos detriticos sueltos en la parte externa que se prolongan enta la ribera de lo Martín y la suya ubicación en un barranco ye evidencia que enantes i heba un empleno karstico que dimpués se sulsió por esboldregar-se dencima d'as esplugas, que se feban mes grans por la circulación d'augua y disolución karstica.
La laguna recibe l'augua dreitament de surchencias de lo mesmo barranco y tamién de l'augua sotorrana que vien de lo río Martín, que en lo tramo cerca de la sima circula a una altaria 32 m por d'encima de lo fondón de la sima.
Los arredols de la sima son desforestaus, predominando-ie un romeral mixto, pero curiosament en lo camín d'acceso, cerca de la Ermita de Sant Per tenemos uns de los pocos eixemplars de sabinas tarabinas Juniperus thurifera que se troban en la cuenca de lo río Martín y que de bella traza fan d'enlace entre los sabinars de lo Sistema Iberico y los sabinars de los Monegros.
Son muitas las aus que troban refuchio en la sima de Sant Per: gralletas con pico royo (Pyrrhocorax pyrrhocorax), falcillas de tripa blanca (Tachymarptis melba), grallas (Corvus frugilegus), palomas penyasqueras (Columba livia), estornels (Sturnus), codalbez (Delichon urbicum) y chirletas (Petronia petronia), asinas como siet especies de murciagalos.
Referencias
editar- ↑ (es) Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011. p 64, pp. 142-146.
Bibliografía
editar- (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9.
- (es) Eduardo Viñuales Cobos (coordinador): Red natural de Aragón. nº 23, Andorra-Sierra de Arcos Prames, 2008.
Datos: Q13050190
Multimedia: Sima de San Pedro / Q13050190
