Shanghai Knights
Shanghai Knights (títol orichinal en anglés, en aragonés Os caballers de Xangai, enguerada en Aragón con o títol en castellano de Los rebeldes de Shanghai, en aragonés os rebels de Xangai) ye una cinta de cine de comedia d'acción d'artes marcials coproducida por o cine estausunidense y lo cine hongkongués, enguerada l'anyo 2003, dirichida por David Dobkin seguntes un guión adaptau por Alfred Gough y Miles Millar (basau en os personaches creyaus por éls mesmos), con una banda sonora orichinal de Randy Edelman, una dirección de fotografía d'Adrian Biddle, una producción cinematografica de Roger Birnbaum, Gary Barber y Jonathan Glickman ta las productoras Touchstone Pictures, Spyglass Entertainment, Birnbaum / Barber Productions, Jackie Chan Films Limited y All Knight Productions, Inc., y un elenco formau por Jackie Chan, Owen Wilson, Donnie Yen, Aidan Gillen, Fann Wong, Tom Fisher, Kim Chan, Gemma Jones, Aaron Johnson, Oliver Cotton, Tom Wu, Kelly-Marie Kerr, Constantine Gregory, Ray Donn, Barbara Nedeljáková, Anna-Louise Plowman, Georgina Chapman, Daisy Beaumont, Alison King, Matt Hill y Barry Stanton, entre d'atros actors.
Lord Nelson Rathbone organiza un asalto con os "boxers" enta la Ciudat Prohibida en Pequín ta apoderar-se d'o Sello de l'herencio d'o reino y en l'ataque fiere mortalment a guardián d'o sello. Antes de morir, iste li da a su filla Chon Lin una caixa rompecabezas que contién un mensache ta su chirmano Chon Wang. Chong treballa como "sheriff" en Carson City en Nevada y recibe una carta de Lin con a caixa, con as noticias d'a muerte de su pai y con l'aviso de que Lin ye persegundo a l'asasino y que se troba en Londres. Chong marcha en primeras enta Nueva York ta trobar a lo suyo antigo socio Roy O'Bannon y que iste li de la suya parte en l'oro que custodia ta poder pagar o pasache en barco enta lo Reino Uniu. Pero lo primer problema ye que O'Bannon ha perdiu os diners con malas inversions. Tanimientres, finalment consiguen plegar en Londres y trobar a Lin, d'a cual O'Bannon s'enamora a escape.
A cinta s'ambienta en 1887 en Pequín en China en Carson City (Nevada) y Nueva York (Nueva York) en os Estaus Unius y en Londres en o Reino Uniu. As suyas escenas se filmoron en Calgary (Alberta) en Canadá, en Hluboká nad Vltavou, Karlovy Vary y Kutná Hora en a Republica Checa, en Los Angeles (California) en os Estaus Unius, en Waltham Cross (Hertfordshire) y Londres en o Reino Uniu y en os Barrandov Studios en Praga en a Republica Checa.[2]
Ye una cinta que ha recibiu bellas nominacions a bels premios, encara que ditos premios no fan parte d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 1,2 (en) Enguero de Shanghai Knights en Internet Movie Database.
- ↑ (en) Localizacions de Shanghai Knights en Internet Movie Database.
- ↑ (en) Shanghai Knights en Internet Movie Database.
Vinclos externos
editar- (en) Shanghai Knights en Internet Movie Database.
- (en) Shanghai Knights en Box Office Mojo.
Datos: Q595595
