Sorbus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sorbus | ||||||||||||||||||
 Sorbus aucuparia | ||||||||||||||||||
| ||||||||||||||||||
O chenero Sorbus perteneix a la familia d'as rosacias y tien una taxonomía complexa, comprendendo d'entre 100 y 200 especies d'árbols y arbustos (bels autors lo dividen tamién en subcheneros), que en Aragón se solen decir «cerolleras» de maniera inespecifica, pero que se'n conoix tamién a forma serbera.[1][2] Tiene cualques especies presents en Europa y frecuents en as selvas caducifolias.
O numero exacto d'especies que comprende ye una incognita perque cualcuns d'os miembros d'o chenero a sobén se troban reproducitos per apomixis (ixo ye, una forma de reproducción asexual que da plantas cheneticament identicas a la mai) que heban permeso de prener-ne prou «eixemplars tipo» como ta definir una especie seguntes que os criterios taxonomicos establitos; y tradicionalment s'han quiesto tractar como especies diferents anque en l'actualidat s'esté demostrando que no'n son.
Son especies que gosan habitar un espectro amplo de puestos, con suels humedos, en altituz dende lo nivel d'a mar dica os 2000 metros d'altitut, pero como se reproducen per dispersión d'as simients con os animals que se minchan o fruito, apareixen anisolatos, no formando nunca selvas propias. Os fruitos, tan caracteristicos, como lulos cuasi siempre royos u rusiencos, se dicen popularment cerollas (nombre inespecifico ta diferents tipos de fruitos) u mes propiament ditos serbas[1][2] u serbos.[2]
Vinclos externos
editar
Wikispecies tiene un articlo sobre Sorbus.
Se veigan as imáchens de Commons sobre Sorbus.
Referencias
editar- ↑ 1,0 1,1 (es) ARNAL PURROY, Mª Luisa; Diccionario del habla de la baja Ribagorza occidental (Huesca); Gara d'Edizions + Institución Fernando el Católico. Zaragoza, 2003. ISBN 84-8094-052-2
- ↑ 2,0 2,1 2,2 (an) VIDALLER TRICAS, Rafael; O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. ISBN 978-84-89862-35-7
