Santiago Guallar Poza
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Santiago Guallar Poza | |
|---|---|
| 1931 – 1936 | |
| Naiximiento | 25 de chulio de 1875 Muniesa (Cuencas Meneras, Aragón)
|
| Muerte | 16 de mayo de 1945 Zaragoza (Comarca Central, Aragón)
|
| Partiu | Acción Nacional |
Santiago Guallar Poza (Muniesa, 25 de chulio de 1875 - Zaragoza 16 de mayo de 1946) fue un canonche y politico aragonés, deputau en as Corz republicanas.
Cursó os suyos estudios eclesiasticos en Belchit y Zaragoza, y fue nombrau presbitero en 1899. Obtenió a os ventinueu anyos de edat o doctorau en Teolochía, estió profesor d'o Seminario de Zaragoza, y en 1903 consiguió por oposición una canonchía d'o Cabildo de Zaragoza, d'o que fue nombrau deán en 1941.
Activo propagandista y organizador d'o catolicismo social, fue consiliario d'o Cerclo Catolico d'os Treballadors de Fuenclara en Zaragoza, y de l'Asociación Zaragozana de Sinyoras d'a Buena Prensa.
Con l'arribada d'a II Republica, consiguió en chunio de 1931 l'acta de deputau a las Corz por Zaragoza capital en as listas d'a Unión de Dreitas, patrocinada por o partiu Acción Nacional (dimpués Acción Popular Aragonesa), entidat d'a que estió president honorario. En noviembre de 1933, fue eslechiu nuevament deputau.
Dende 1939 dica a suya muerte estió consellero d'a Caixa d'Estalvios de Zaragoza, y en 1940 fue nombrau Vicepresident de dita entidat. Estió tamién president d'a Reyal Sociedat Economica Aragonesa d'Amigos d'o País. En istos anyos de posguerra estió Prefecto d'estudios d'o Seminario Pontificio zaragozano.
A o largo de toda a suya vida, siempre tenió muit present a o suyo lugar natal, intervenindo en bel afers beneficiosos pa Muniesa, como a su intervención en a donación por parti d'os Sinyors Aranguren d'a suya casa solariega y fincas a las Chirmanas de Santa Ana, pa que podesen recibir formación os ninos d'o lugar. Estió consellero d'a Sociedat FF.CC. d'Utriellas.
Siempre manifestó o suyo deseyo d'estar apedecau en o suyo lugar. As suyas restas descansan en o pantión d'os canonches d'o fosal de Torrero en Zaragoza. En o suyo día teneba adedicada una plaza en o suyo lugar.
Vinclos externos
editar- (es) Info en muniesa.org
Datos: Q5856643
