Rosada
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Se diz rosada[1][2][3][4][5] (d'o latín < RORE"augualera"[6]) a la capa de chelo cristalín que se forma en las superficies exposadas a lo raso y que s'han tornau prou fridas pa que u lo ruxío u augualera se chele u se produga la sublimación inversa de la vapor d'augua que bi ha en l'aire.
La rosada se produce cuan bi ha boira en un aire con temperatura menor de 0 °C, cuan lo punto d'augualera ye por debaixo de lo de conchelación. Bi ha alavez, en la boira u nuble, muitas gotas d'augua en estau de sobrefusión, cuan por un regular ya s'habrían conchelau. Ixe estau anormal s'atura cuan las gotetas entran en contacto con bella superficie solida, como por eixemplo lo suelo, las fuellas de las plantas, los teitos, ecetra..., sobre la que se alavez se conchelan a escape en forma de cristals muito chicoz y brillants, deseparaus por inclusions d'aire.
Cuan lo cielo ye raso de nueit puet producir-se un enfriamiento progresivo y fuerte de lo suelo, por radiación de la suya calor. La humidat atmosferica, que puet estar relativament calida y seca, se condensa sobre las superficies solidas en forma d'augualera u conchelando-se, si ixas son dichós 0 °C.
Efectos en las plantas
editar
La vechetación puet aguantar bien una nueit que las fuellas sían sozmesas a con condicions de conchelación. Las fuellas de las plantas forman una capa de estau liquido muito frido, asegurando temperaturas de -4 °C a -12 °C. Manimenos, una vegada que la rosada se forma, las celulas vechetals de la superficie de la fuella pueden malmeterse por haber-ie cristals de chelo filoso. Muitas bacterias son particularment efectivas cuan se forma rosada.
Las plantas anuals, como las tomateras, morirán una vegada que se faiga la primera chelada de l'anyada. Las plantas caducifolias morirán tamién, pero tornarán a rechitar una vegada que plegue la primavera. A la fin, las plantas perens, como las coniferas, serán verdes toda l'anyada, encara que lo suyo creiximiento siga mayor en temporadas sin de rosada.
Las diferencias en lo clima pueden influir a saber-lo en como malmete la rosada. Por eixemplo lo romero morirá cuan siga a lo raso en zonas mes fridas, mientres que en puestos temperaus calidos podrá sobrevivir.
Referencias
editar- ↑ (es) Francho Nagore Laín: El aragonés de Panticosa. Colección de Estudios Altoaragoneses, nº 9. Instituto de Estudios Altoaragoneses, 1986.
- ↑ (es) Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edizions + Institución Fernando el Católico + Diputación de Zaragoza; Zaragoza 2007. p 90. ISBN 978-84-8094-060-3
- ↑ (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 438.
- ↑ (an) Paz Ríos Nasarre: Bocabulario d'o Semontano de Balbastro (de Salas Altas y a redolada). Publicazions d'o Consello d'a Fabla Aragonesa, 1997. p 144.
- ↑ (es) María Pilar Lacasa Carrascosa:El habla de Alcolea de Cinca: breve caracterización lingüística y vocabulario. Archivo de filología aragonesa Nº 66, 2010, pp. 193-216, ISSN 0210-5624
- ↑ (es) Ana Leiva Vicén:Léxico aragonés de Antillón (Huesca). Análisis lingüístico (II). Alazet: Revista de Filología Nº 16, 2004, pp. 67-174, ISSN 0214-7602
